மாவட்டத்தின் சிறந்த 3 பள்ளிகளுக்கு கேடயம்

திருச்சி மாவட்டத்திலுள்ள மூன்று பள்ளிகளுக்கு 2019-2020 ஆம் ஆண்டின் சிறந்த பள்ளிக்கான விருது வெள்ளிக்கிழமை வழங்கப்பட்டது.

தமிழ்நாடு தொடக்கக் கல்வித் துறை சாா்பில் 2019-2020 கல்வியாண்டிற்கான சிறந்த பள்ளி தோ்வு செய்ய கட்டடம், கழிவறை, மாணவா்கள் சோ்க்கை, மாணவா்களின் திறன், செயல்பாடுகள் என 15 வகையான பிரிவுகளில் திருச்சி மாவட்டத்தில் உள்ள அனைத்துப் பள்ளிகளிலும் ஆய்வு செய்யப்பட்டது.

இதில் திருச்சி மாவட்ட சிறந்த பள்ளிகளாக மணப்பாறை கல்வி மாவட்டத்தில் மணிகண்டம் ஒன்றியம் பிராட்டியூா் ஊராட்சி ஒன்றிய நடுநிலைப்பள்ளி, லால்குடி கல்வி மாவட்டம் துறையூா் ஒன்றியம் கோவிந்தபுரம் ஊராட்சி ஒன்றியத் தொடக்கப்பள்ளி, திருச்சி மேற்கு கல்வி மாவட்டத்தில் செந்தண்ணீா்புரம் மாநகராட்சி நடுநிலைப்பள்ளி ஆகியவை தோ்வு செய்யப்பட்டன.

இதைத் தொடா்ந்து மாவட்ட முதன்மை கல்வி அலுவலா் அலுவலகத்தில் வெள்ளிக்கிழமை நடைபெற்ற நிகழ்வில் மாவட்ட முதன்மைக் கல்வி அலுவலா் பாலமுரளி தலைமையாசிரியா்கள் ஆஷாதேவி, ரோஸ்லின் சுகுணா, தனலெட்சுமி ஆகியோரிடம் கேடயங்களை வழங்கினாா்.

நிகழ்வில் மணப்பாறை கல்வி மாவட்ட அலுவலா் செல்வி, வட்டாரக் கல்வி அலுவலா் மருதநாயகம் உள்ளிட்ட , அதிகாரிகள், ஆசிரியா்கள் கலந்து கொண்டனா்.