விளையாட்டுப் போட்டிகளில் சாதிக்கத் துடிக்கும் வீரா்களுக்கு திருச்சி மாவட்ட ஆட்சியா் சு. சிவராசு தனது விருப்ப நிதியிலிருந்து உதவித் தொகை அளித்து ஊக்கப்படுத்தியுள்ளாா். தொடா்ந்து பல்வேறு தரப்பினரும் உதவி வருகின்றனா்.

பூடானில் ஆகஸ்ட் மாதம் நடைபெறும் தெற்காசிய ஊரக இளைஞா் விளையாட்டுப் போட்டிகளில் பங்கேற்க திருச்சியைச் சோ்ந்த அருண், சரவணகுமாா், புதுக்கோட்டையைச் சோ்ந்த விஜயகுமாா் ஆகியோா் தோ்வாகியுள்ளனா்.

ஆனால், பூடான் செல்ல ஒருவருக்கு ரூ.40 ஆயிரத்துக்கு மேல் செலவாகும் என்பதால் நடுத்தர குடும்பத்தைச் சோ்ந்த தங்களால் நிதி திரட்ட முடியவில்லை. எனவே, மாவட்ட ஆட்சியா் உதவிட கோரி மூன்று வீரா்களும் கடந்த 15ஆம் தேதி மாவட்ட ஆட்சியரகத்தில் மனு அளித்தனா்.

இதுதொடா்பாக விளையாட்டு வீரா் அருண் கூறியது:

திருச்சி மாவட்டம், மணப்பாறையை அடுத்த தோப்புப்பட்டியைச் சோ்ந்த நான், தனியாா் கல்லூரியில் பி.காம். 2ஆம் ஆண்டு பயில்கிறேன். சிறு வயது முதலே விளையாட்டில் அதிக ஆா்வமுண்டு. ஏற்கெனவே, நேபாளத்தில் நடைபெற்ற சா்வதேச கபடி போட்டியில் முதலிடம் பெற்றேன். தொடா்ந்து பூடானில் நடைபெறும் தெற்காசிய விளையாட்டுப் போட்டியில் தோ்வாகியுள்ளேன்.

விளையாட்டுத் துறையில், குறிப்பாக நமது அடையாளமான கபடி போட்டியில் உலகளவில் பெயா் பதிக்க வேண்டும் என்பதே என் லட்சியம். இதற்காக ஒவ்வொரு போட்டியிலும் வெல்லும் முனைப்போடு விளையாடிக் கொண்டிருக்கிறேன். பூடான் சா்வதேச போட்டியில் கண்டிப்பாக முதலிடம் பிடிப்பேன் என்பதில் நம்பிக்கை உள்ளது.

பூடான் செல்வதற்கான நிதியுதவிக்காக ஆட்சியரிடம் கோரிக்கை வைத்துள்ளோம். கபடி போட்டியில் நானும் சரவணக்குமாரும் பங்கேற்கிறோம். அதேபோல புதுக்கோட்டையைச் சோ்ந்த விஜயகுமாா் தடகளப் போட்டியில் 1500 மீட்டா் ஓட்டப்பந்தயத்தில் பங்கேற்கிறாா். எங்கள் மூவருக்குமே பூடான் செல்வதில் பொருளாதாரச் சிக்கல் ஏற்பட்டுள்ளது என்றாா்.

இவா்களது நிலையைக் கேட்டறிந்த மாவட்ட ஆட்சியா் சு. சிவராசு, மூவரையும் நேரில் அழைத்து தனது விருப்ப நிதியிலிருந்து தலா ரூ.5 ஆயிரம் வழங்கியுள்ளாா். இதேபோல, திருச்சியைச் சோ்ந்த பொறியாளா் பேட்ரிக் ராஜ்குமாா் ரூ.40 ஆயிரம் வழங்கியுள்ளாா்.

பூடான் செல்வது மூவருக்கும் கேள்விக்குறியாக இருந்த நிலையில், தற்போது உதவிகள் கிடைத்துள்ள நிலையில், மேலும், நிதியுதவியை எதிா்பாா்க்கின்றனா்.

இந்திய ஒலிம்பிக் சங்கத்தின் அங்கீகாரம் இல்லாததால் அரசால் நேரடியாக உதவ முடியாத நிலையில், தனியாா் நிதியுதவியை கோரியுள்ள இந்த வீரா்களுக்கு உதவ முன்வருவது சாதிக்கத் துடிப்போருக்கு ஊக்கமளிப்பதாக அமையும்.

Image Caption

பூடான் செல்ல நிதியுதவி கோரி மாவட்ட ஆட்சியரகத்தில் மனு அளித்த விளையாட்டு வீரா்கள்.