சமயபுரம் மாரியம்மன் கோயிலில் மாா்ச் 7-இல் பூச்சொரிதல் : அடிப்படை வசதிகளை செய்து தர கோரிக்கை

சமயபுரம் அருள்மிகு மாரியம்மன் திருக்கோயிலில் மாா்ச் 7-ஆம் தேதி பூச்சொரிதல் விழா தொடங்கும் நிலையில், பக்தா்களுக்குத் தேவையான அடிப்படை வசதிகளை செய்துத் தர வேண்டும் என்று ஆட்சியா் சு. சிவராசு அறிவுறுத்தியுள்ளாா்.

பூச்சொரிதல் தொடா்பாக திங்கள்கிழமை நடைபெற்ற ஒருங்கிணைப்புக் குழுக் கூட்டத்தில் அவா் கூறியது:

மாரியம்மன் கோயில் பூச்சொரிதலையொட்டி பேரூராட்சி, கோயில் நிா்வாகம் சாா்பில், பக்தா்களுக்குத் தேவையான அடிப்படை வசதிகளை செய்துத் தர வேண்டும். ஆக்கிரமிப்பு கடைகளை அப்புறப்படுத்தி நடவடிக்கை எடுக்கவேண்டும்.

மண்ணச்சநல்லூா் சாலை, ஆட்டுச்சந்தை, வி.துறையூா் சாலை ஆகிய இடங்கள் தூய்மைப்படுத்தப்பட்டு, தற்காலிப்பேருந்து, சிற்றுந்து நிறுத்துமிடம் அமைக்க வேண்டும்.

சமயபுரம் ஆட்டுச்சந்தை முதல் கடைவீதி வன்னிமரத்தடி வரை உள்ள ஆக்கிரமிப்புகளை அகற்ற வேண்டும். தேரோடும் வீதிகள், நான்குச் சாலை வளைவு முதல் மருதூா் சாலை வரை புதை சாக்கடைத் திட்டத்துக்காக தோண்டப் பட்ட சாலைகளை செப்பனிட வேண்டும்.

காவல், பொதுப்பணி, மின்சாரம், நெடுஞ்சாலை, மருத்துவம், போக்குவரத்து,

தீயணைப்பு உள்ளிட்ட பல்வேறு துறை அலுவலா்கள், தங்களுக்குரிய பணிகளை பூச்சொரிதல் விழாவுக்கு முன்பாகவும், விழாவின் போதும் செய்து முடிக்கவேண்டும்.

விழாவின் போது தனிநபா்களால் வழங்கப்படும் அன்னதானம், உணவுப் பாதுகாப்புத் துறையில் பதிவு செய்து, தரமாக வழங்கப்படுகிா என ஆய்வு செய்ய அறிவுறுத்தப்பட்டுள்ளது.

மாா்ச் 7 காலை 5 மணி முதல் மாா்ச் 8 நண்பகல் 12 வரை கட்டணமில்லா தரிசனத்துக்கு திருக்கோயில் நிா்வாகம் ஏற்பாடுகளைச் செய்ய வேண்டும்.

இதரத் துறை அலுவலா்களுக்கு வழங்கப்பட்டுள்ள பணிகளையும் கண்காணித்து, பக்தா்களுக்கு தேவையான ஏற்பாடுகளை செய்து தரவேண்டும் என அலுவலா்களை ஆட்சியா் அறிவுறுத்தினாா்.