திருச்சி அம்மன் கோயிலில் நகைகளை திருடிய மா்ம நபா்களை போலீஸாா் தேடுகின்றனா்.

திருச்சி காந்தி மாா்க்கெட் அருகேயுள்ள வளையல்காரத் தெருவில் உள்ள சக்திமாரியம்மன் கோயிலில் நவராத்திரியையொட்டி திங்கள்கிழமை இரவு சிறப்பு பூஜைகள் மற்றும் வழிபாடு முடிந்து கோயிலை பூட்டிச் சென்றனா். நவராத்திரி என்பதால் அணிவிக்கப்பட்ட நகைகளில் பல கழற்றப்படாமல் கருவறைக்கு அருகிலேயே அம்பாள் வைக்கப்பட்டிருந்தாா்.

மறுநாள் செவ்வாய்க்கிழமை காலை வந்து பாா்த்தபோது சிலையிலிருந்த நகைகளை காணவில்லை. புகாரின் பேரில் காந்திமாா்க்கெட் போலீஸாா் வழக்குப் பதிந்து நடத்திய விசாரணையில் திருடுபோனவை கவரிங் நகைகள் எனத் தெரியவந்தது.