மாற்றுத்திறனாளிகளுக்கு இலவசபேருந்துப் பயண அட்டை புதுப்பிப்பு: 3 நாள்களுக்குச் சிறப்பு முகாம்

 திருச்சி மாவட்டத்தைச் சோ்ந்த மாற்றுத்திறனாளிகளுக்கு இலவசப் பேருந்து பயண அட்டை புதுப்பித்து வழங்க வரும் செவ்வாய்க்கிழமை தொடங்கி (மாா்ச் 29) மூன்று நாள் சிறப்பு முகாம் நடத்தப்படவுள்ளது.

திருச்சி மாவட்ட மாற்றுத்திறனாளிகள் நல அலுவலகம், தமிழ்நாடு அரசுப் போக்குவரத்து கழகம் இணைந்து 2022 ஏப்ரல் முதல் 2023 மாா்ச் வரை ஓராண்டுக்கு மாற்றுத்திறனாளிகளுக்கான இலவச பேருந்து பயண அட்டை புதுப்பித்து வழங்கப்பட உள்ளது.

இதற்காக வரும் 29, 30, 31ஆம் தேதிகளில் ஆட்சியரக மக்கள் குறைதீா் நாள் அரங்கிற்குப் பின்புறம் சிறப்பு முகாம் நடைபெறவுள்ளது.

பாா்வையற்றோா், கை கால் பாதிக்கப்பட்டோா், மனவளா்ச்சி குன்றியோா் மற்றும் காது கேளாதோா், வாய் பேச இயலாதோா் தங்களது இலவச பேருந்துப் பயண அட்டையைப் புதுப்பித்துக் கொள்ளலாம். புதிய அட்டை வேண்டியும் விண்ணப்பிக்கலாம்.

முகாமுக்கு வரும் பாா்வையற்றோா் மாற்றத்திறனாளிகளுக்கான அடையாள அட்டை நகல்- 2, தனித்துவ அடையாள அட்டை நகல்- 2, தற்போது எடுக்கப்பட்ட பாஸ்போா்ட் அளவு உள்ள புகைப்படம்- 3, கை, கால் பாதிக்கப்பட்டோா், மனவளா்ச்சி குன்றியோா் மற்றும் காது கேளாதோா், வாய் பேச இயலாதோா், கல்லூரி மற்றும் சிறப்புப் பள்ளிகளுக்குச் செல்வோா் கல்வி பயிலும் சான்று, சுயதொழில் செய்வோா் விஏவிடம் சான்று, தனியாா் நிறுவனத்தில் பணிபுரிவோா் நிா்வாகத்தின் பணிச் சான்று மற்றும் மருத்துவ சிகிச்சைக்காகச் செல்வோா் அரசு மருத்துவரிடம் சான்று பெற்று வர வேண்டும்.

சிறப்பு முகாமில் விண்ணப்பித்த உடனே இலவச பேருந்து பயண அட்டை புதுப்பித்து வழங்கப்படும். திருச்சி மாவட்ட மாற்றுத்திறனாளிகள் இதைப் பயன்படுத்திக் கொள்ளுமாறு ஆட்சியா் சு. சிவராசு வேண்டுகோள் விடுத்துள்ளாா்.