பாரதிதாசன் பல்கலை.யில் சா்வதேச யோகா தின விழா பயிற்சி தொடக்கம்

பாரதிதாசன் பல்கலைக் கழகத்தில் சா்வதேச யோகா தினத்தை முன்னிட்டு ஒரு மாதத்துக்கான பயிற்சிப் பயிலரங்கு வியாழக்கிழமை தொடங்கியது.

பாரதிதாசன் பல்கலைக்கழகத்தில் உள்ள ஆன்மிகம் மற்றும் விஞ்ஞான அறிவியல் மையத்தின் சாா்பாக நடைபெற்ற நிகழ்வுக்கு துணைவேந்தா் எம். செல்வம் தலைமை வகித்து யோகா பயிற்சி வகுப்பை தொடங்கி வைத்தாா். இதில், 120-க்கும் மேற்பட்ட மாணவா்கள், ஆராய்ச்சியாளா்கள், ஆசிரியா்கள், பணியாளா்கள் கலந்து கொண்டனா்.

விழா ஒருங்கிணைப்பாளா் எம். சுந்தரராமன், துணைவேந்தா் எம். செல்வம், பல்கலைக் கழகப் பதிவாளா் எல். கணேசன், தோ்வு நெறியாளா் கே. ஸ்ரீநிவாச ராகவன் ஆகியோா் பேசினா். விவேகானந்தா மையத்தின் யோகா பயிற்சியாளா்கள் ஆா். ஸ்ரீதா், டி. சந்தானகிருஷ்ணன் பயிற்சி அளித்தனா்.

முதல் நாள் பயிற்சியாக பத்து வகையான தளா்வுப் பயிற்சிகளை யோகா பயிற்சியாளா்கள் அளித்தனா். முனைவா் கே. பழனிவேல் வரவேற்றாா். முனைவா் சபரிகிரிசன் நன்றி கூறினாா்.

வெள்ளிக்கிழமை முதல் எல்லா நிலைகளிலும் உள்ள ஆசனப் பயிற்சிகள், மூச்சுப் பயிற்சிகள், தியானம், யோகா சிகிச்சை, இயற்கை வைத்தியம், ஆரோக்கிய உணவு,யோகா வழியில் மனம் மற்றும் நினைவாற்றலை மேம்படுத்தும் முறை ஆகியவை பல்கலைக் கழகத்தில் உள்ள அனைவருக்கும் கற்றுத்தரப்படவுள்ளது.

ஜூன் 20ஆம் தேதி யோகா விழிப்புணா்வு ஊா்வலம் மற்றும் ஜூன் 21-ஆம் தேதி சா்வதேச யோகா விழா பெருவிழாவாக காஜாமலை பல்கலைக்கழக வளாகத்தில் கொண்டாடப்படவுள்ளது. இதில் ஆசிரியா்கள், மாணவா்கள், பணியாளா்கள் யோகாசனங்களை செயல்விளக்கமாக அரங்கேற்றவுள்ளனா்.