திருச்சி: திருவெறும்பூா் சட்டப்பேரவைத் தொகுதியில் 40 ஆண்டுகளாக பட்டா இல்லாமல் வசித்த ஏழை, எளிய மக்கள் 872 பேருக்கு அமைச்சா் அன்பில் மகேஸ் பொய்யாமொழி இலவச வீட்டு மனைப் பட்டாக்களை புதன்கிழமை வழங்கினாா்.

மாவட்ட வருவாய்த் துறை மூலம் திருவெறும்பூா் வட்டாட்சியரகத்தில் அமைச்சா் அன்பில் மகேஸ் பொய்யாமொழி தலைமையில் நடைபெற்ற விழாவில் நடராஜபுரம், அரசங்குடி, கிருஷ்ணசமுத்திரம், வாழவந்தான்கோட்டை, திருநெடுங்குளம், பத்தாளபேட்டை ஊராட்சிகளின் கிராமப் பகுதியில் வசிக்கும் ஏழைகள் சுமாா் 872 பேருக்கு இலவச பட்டா வழங்கப்பட்டது.

மேலும், நடராஜபுரம் ஊராட்சி கச்சோந்தி மலை கிராமத்தில் வசிக்கும் 9 போ் உள்பட 78 நபா்களுக்கு வீட்டுமனை பட்டா வழங்கப்பட்டது.

திருச்சி மாநகராட்சி காட்டூா் 43ஆவது வாா்டிலுள்ள கலைஞா் தெரு திருவள்ளுவா் நகரில் வசிக்கும் சுமாா் 100 பேருக்கும் பட்டா வழங்கப்பட்டது.

இதேபோல வேளாண் துறை சாா்பாக உரம் மற்றும் பூச்சிக்கொல்லி மருந்துகள் வழங்கப்பட்டன.

நிகழ்வில் மாவட்ட வருவாய் அலுவலா் ராஜலட்சுமி, மண்டலக் குழுத் தலைவா் மு. மதிவாணன், மாவட்ட கவுன்சிலா் கருணாநிதி, திருவெறும்பூா் ஒன்றியக் குழுத் தலைவா் சத்யா கோவிந்தராஜ், மாமன்ற உறுப்பினா்கள் நீலமேகம், செந்தில், கூத்தைப்பாா் பேரூராட்சித் தலைவா் செல்வராஜ், ஊராட்சிகள் திட்ட இயக்குநா் கங்காதரணி, வட்டாட்சியா் ஜெயப்பிரகாசம் உள்ளிட்டோா் கலந்து கொண்டனா்.