திருச்சி: திருச்சி மத்திய சிறையில் சா்ச்சை கைதி மீண்டும் தற்கொலை மிரட்டல் விடுத்த சம்பவம் தொடா்பாக போலீஸாா் மேலும் ஒரு வழக்கு பதிந்து விசாரித்து வருகின்றனா்.

தஞ்சாவூா் மாவட்டம், பட்டுக்கோட்டை அருகேயுள்ள அதிராம்பட்டினத்தைச் சோ்ந்தவா் மு. முகமது உசேன் (31), போக்சோ வழக்கில் தண்டனை பெற்று திருச்சி மத்திய சிறையில் அடைக்கப்பட்டுள்ளாா். சிறையில் தன்னை பொதுசெல்-லுக்கு மாற்றுமாறு சிறை அலுவலா் சண்முகசுந்தரத்திடம் கோரிக்கை விடுத்துள்ளாா். சிறை அலுவலா்கள் மறுக்கவே, இரண்டு தினங்களுக்கு முன்பு, பெல்ட்-டால் தனது கழுத்தை இறுக்கி தற்கொலைக்கு முயல்வதாக மிரட்டல் விடுத்துள்ளாா். இதையடுத்து, சிறை அலுவலா்கள் மற்றும் காவலா்கள் அவரை மீட்டனா். தொடா்ந்து, கே.கே. நகா் காவல் நிலையத்தில் சிறை அலுவலா்கள் அளித்த புகாரின்பேரில் போலீஸாா் மீண்டும் ஒரு வழக்குப் பதிந்துள்ளனா்.

ஏற்கெனவே இவா் கண்ணாடி துண்டுகளால் காயம் ஏற்படுத்தி தற்கொலைக்கு முயன்றது உள்பட அடிக்கடி தற்கொலை மிரட்டல் விடுத்து வருவது குறிப்பிடத்தக்கது.