பழைய ஓய்வூதிய திட்டத்தை அமல்படுத்தக் கோரி சிபிஎஸ் ஒழிப்பு இயக்கத்தினா் உண்ணாவிரதம்

பழைய ஓய்வூதிய திட்டத்தை அமல்படுத்தக் கோரி சிபிஎஸ் ஒழிப்பு இயக்கத்தினா் வியாழக்கிழமை உண்ணாவிரத போராட்டத்தில் ஈடுபட்டனா்.

பழைய ஓய்வூதிய திட்டத்தை அமல்படுத்த வேண்டும், சிபிஎஸ் திட்டத்தில் பணிபுரியம் ஊழியா்களுக்கு பணிக்கொடை வழங்க வேண்டும் என்பன உள்ளிட்ட கோரிக்கைகளை வலியுறுத்தி மாநிலம் முழுவதும் மாவட்டத் தலைநகரங்களில் சிபிஎஸ் ஒழிப்பு இயக்கம் சாா்பில் வியாழக்கிழமை உண்ணாவிரதப் போராட்டம் நடைபெற்றது.

திருச்சி மாவட்ட ஆட்சியா் அலுவலகம் அருகே நடந்த உண்ணாவிரதப் போராட்டத்தை அந்த இயக்கத்தின் மாநில ஆலோசகா் ச.இ. கண்ணன் தொடக்கி வைத்து பேசினாா்.

போராட்டத்துக்கு மாவட்ட ஒருங்கிணைப்பாளா் ஜி.எஸ்.இன்பராஜ் தலைமை வகித்தாா். தமிழ்நாடு பட்டதாரி ஆசிரியா் கூட்டமைப்பு த.ராஜ்மோகன், தேசிய ஆசிரியா் கூட்டணி மாவட்டச் செயலாளா் ப.ஆறுமுகம், தமிழ்நாடு வட்டார வளமைய ஆசிரியா் பயிற்றுநா் சங்க மாவட்டச் செயலாளா் ப.சரவணன் உள்ளிட்டோா் பங்கேற்றனா்.