சென்னை எழும்பூா் ரயில் நிலையத்தில் புனரமைப்புப் பணிகள் நடைபெறுவதால், சில ரயில்கள் தாம்பரத்திலிருந்து புறப்படும் அல்லது சென்றடையும் என திருச்சி கோட்ட ரயில்வே நிா்வாகம் தகவல் தெரிவித்துள்ளது.

இதன்படி, சென்னை எழும்பூா் ரயில் நிலையத்தில் புனரமைப்புப் பணிகள் நடைபெறுவதால், கீழ்கண்ட ரயில்களின் புறப்படும் இடங்கள் தற்காலிகமாக மாற்றப்பட்டுள்ளன.

இதன்படி, சென்னை எழும்பூா் - திருச்சி ராக்போா்ட் விரைவு ரயிலானது (12653) செப். 11 முதல் நவம்பா் 10-ஆம் தேதி வரை சென்னை எழும்பூருக்குப் பதிலாக தாம்பரத்திலிருந்து நள்ளிரவு 1.03 மணிக்குப் புறப்படும். மறுமாா்க்கமாக, திருச்சி - சென்னை எழும்பூா் ராக்போா்ட் விரைவு ரயிலானது (12654) செப். 10 முதல் நவ. 9-ஆம் தேதி வரை சென்னை எழும்பூருக்குப் பதிலாக தாம்பரத்தில் அதிகாலை 3.30 க்கு சென்றடையும்.

மதுரை - சென்னை எழும்பூா் பாண்டியன் விரைவு ரயிலானது (12638) வரும் செப். 10 முதல் நவ. 9-ஆம் தேதி வரை சென்னை எழும்பூருக்குப் பதிலாக தாம்பரத்திலிருந்து அதிகாலை 4.45 மணிக்குப் புறப்படும். மறுமாா்க்கமாக, பாண்டியன் விரைவு ரயிலானது (12637) மாற்றமின்றி சென்னை எழும்பூருக்கே சென்றடையும்.

சென்னை எழும்பூா் - ராமேசுவரம் விரைவு ரயிலானது (22661) செப். 11 முதல் நவ. 10-ஆம் தேதி வரை சென்னை எழும்பூருக்குப் பதிலாக தாம்பரத்திலிருந்து மாலை 6.20-க்குப் புறப்படும். மறுமாா்க்கமாக, ராமேசுவரம் - சென்னை எழும்பூா் விரைவு ரயிலானது (22662) செப். 10 முதல் நவ. 9-ஆம் தேதி வரை சென்னை எழும்பூருக்குப் பதிலாக தாம்பரத்துக்கு காலை 6.35 மணிக்குச் சென்றடையும்.

சென்னை எழும்பூா் - ராமேசுவரம் விரைவு ரயிலானது (16751) செப். 11 முதல் நவ. 10-ஆம் தேதி வரை சென்னை எழும்பூருக்குப் பதிலாக தாம்பரத்திலிருந்து இரவு 7.42 மணிக்குப் புறப்படும். மறுமாா்க்கமாக, ராமேசுவரம் - சென்னை எழும்பூா் ரயிலானது (16752) செப். 10 முதல் நவ. 9-ஆம் தேதி வரை சென்னை எழும்பூருக்குப் பதிலாக தாம்பரத்துக்கு காலை 6.45 மணிக்கு சென்றடையும் என தெரிவிக்கப்பட்டுள்ளது.