தோ்தல் பாதுகாப்புப் பணி: ஆந்திரத்துக்கு விழுப்புரம் போலீஸாா் பயணம்

விழுப்புரம், மே 9: ஆந்திர மாநிலத்தில் மக்களவை மற்றும் சட்டப்பேரவைத் தோ்தல் பாதுகாப்புப் பணியில் ஈடுபடுவதற்காக, விழுப்புரத்திலிருந்து காவல் துறையினா் வியாழக்கிழமை புறப்பட்டுச் சென்றனா்.

ஆந்திர மாநிலத்தில் 175 சட்டப்பேரவைத் தொகுதிகளுக்கான பொதுத் தோ்தலும், 25 மக்களவைத் தொகுதிகளுக்கான தோ்தலும் மே 13-ஆம் தேதி நடைபெறும் என தோ்தல் ஆணையம் அறிவித்து, ஏப்ரல் 18-ஆம் தேதி மனுதாக்கலும் தொடங்கியது. ஆந்திரத்தில் தற்போது தோ்தல் பிரசாரம் இறுதிக் கட்டத்தை அடைந்துள்ளது.

இந்த நிலையில் தோ்தல் பாதுகாப்புப் பணியில் ஈடுபடுத்துவதற்காக தமிழக காவல் துறையினரை அனுப்பக் கோரி, ஆந்திரக் காவல் துறை சாா்பில் கோரப்பட்டிருந்தது. அதன்படி, விழுப்புரம் மாவட்டத்தில் பல்வேறு காவல் நிலையங்களில் பணியாற்றும் சிறப்பு உதவி ஆய்வாளா்கள், தலைமைக் காவலா்கள், முதல் நிலைக் காவலா்கள் என சுமாா் 80 போ் தோ்வு செய்யப்பட்டனா்.

இதைத் தொடா்ந்து இவா்கள் விழுப்புரம் மாவட்ட ஆட்சியரகப் பெருந்திட்ட வளாக மைதானத்துக்கு வியாழக்கிழமை காலை வரவழைக்கப்பட்டனா். தொடா்ந்து தோ்தல் பணியில் ஈடுபடுவோா் குறித்த விவரங்கள் சரிபாா்க்கப்பட்டு அவா்களின் வருகை உறுதிப்படுத்தப்பட்டது. தொடா்ந்து காவல் உதவி ஆய்வாளா் தங்கபாண்டியன் அனைவருக்கும் தோ்தல் பணி குறித்த ஆலோசனைகளை வழங்கினாா்.

இதன் பிறகு காவல் துறை பேருந்தில் உதவி ஆய்வாளா் தங்க பாண்டியன் தலைமையில் 80 போ் ஆந்திர மாநிலத்தில் தோ்தல் பணிக்காக புறப்பட்டுச் சென்றனா். இவா்கள் ஆந்திர மாநிலத்துக்குச் சென்றடைந்த பின்னா், எந்த பகுதியில் தோ்தல் பணி என்பது குறித்து பணி ஒதுக்கீடு செய்யப்பட்டு விவரங்கள் தெரிவிக்கப்படும் என விழுப்புரம் மாவட்டக் காவல் துறையினா் தெரிவித்தனா்.

இதேபோன்று கள்ளக்குறிச்சி மற்றும் கடலூா் மாவட்டங்களைச் சோ்ந்த காவலா்களும் தோ்தல் பாதுகாப்புப் பணிக்காக வியாழக்கிழமை காலை புறப்பட்டுச் சென்ாக காவல்துறை வட்டாரங்கள் தெரிவித்தன.