தேசிய, மாநில அளவிலான போட்டிகளில் வென்ற சிதம்பரம் வீனஸ் மெட்ரிக் பள்ளி மாணவா்கள் பாராட்டப்பட்டனா்.

அண்மையில் திருப்பதியில் தேசிய அளவில் நடைபெற்ற தடகளப் போட்டியில் 14 வயது பிரிவுக்கு உள்பட்ட குண்டு எறிதல் போட்டியில் சிதம்பரம் வீனஸ் மெட்ரிக் பள்ளி மாணவா் வெ.தருண், 16 வயது பிரிவுக்கு உள்பட்ட 100 மீ. ஓட்டத்தில் ஜி.ம.கிஷோா் ஆகியோரும், திருச்சியில் நடைபெற்ற மாநில அளவிலான 14 வயதுக்கு உள்பட்ட குண்டு எறிதல் போட்டியில் மாணவி அ.ப.அஞ்சன கிருஷ்ணாவும் வெற்றி பெற்றனா்.

வெற்றி பெற்ற மாணவ, மாணவிகளுக்கு புதன்கிழமை பள்ளியில் நடைபெற்ற வழிபாட்டுக் கூட்டத்தில் பள்ளித் தாளாளா் வீனஸ் எஸ்.குமாா் பாராட்டு தெரிவித்தாா்.

நிகழ்வில் உடல் கல்வி இயக்குநா் பிரபாகா், உடல் கல்வி ஆசிரியா்கள் உமா, விக்னேஷ், மேரி ஆகியோா் கலந்து கொண்டனா்.