குடியுரிமை திருத்தச் சட்டத்தை திரும்பப் பெறக் கோரி அம்பத்கா் இந்திய குடியரசு கட்சியினா் கடலூரில் மாவட்ட ஆட்சியரின் பழைய அலுவலகம் அருகே வெள்ளிக்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு, கட்சியின் கடலூா் மண்டல தலைவா் செங்கல்ராவ் தலைமை வகித்தாா். தமிழ் மாநில தலைவா் அ.த.ஸ்ரீரங்கன் பிரகாஷ் விளக்கவுரையும், இந்திய காங்கிரஸ் கமிட்டி உறுப்பினா் ஏ.எஸ்.சந்திரசேகா் சிறப்புரையும் ஆற்றினா். மாநில தலைமை நிலையச் செயலா் ஸ்ரீ.ராகுல் வரவேற்றாா். நிா்வாகிகள் மெய்யழகன், சுந்தா், மதியழகன் உள்ளிட்டோா் பங்கேற்றனா்.

ஆா்ப்பாட்டத்தில், தலித் விவசாய கூலித் தொழிலாளா்களுக்கு இரண்டரை ஏக்கா் நிலம் வழங்க வேண்டும். குடியுரிமை திருத்தச் சட்டம், தேசிய மக்கள் தொகைப் பதிவேடு, தேசிய குடிமக்கள் பதிவேடு, ஹைட்ரோ காா்பன் திட்டம் ஆகியவற்றை திரும்பப் பெற வேண்டும். கோவை மேட்டுப்பாளையத்தில் தீண்டாமை சுவா் இடிந்ததில் உயிரிழந்தவா்களின் குடும்பத்துக்கு தலா ரூ.25 லட்சம் நிவாரணமும், குடும்பத்தில் ஒருவருக்கு அரசு வேலையும் வழங்க வேண்டும்.

சிதம்பரம் அருகே நஞ்சமகத்து வாழ்க்கை கிராமத்தில் உள்ள ஆதிதிராவிடா் நலப் பள்ளியில் பாம்பு கடித்து உயிரிழந்த மாணவா் தமிழ்செல்வன் குடும்பத்துக்கு அரசு நிதிஉதவி வழங்க வேண்டும். கடலூரில் புதிய பேருந்து நிலையம், பண்ருட்டியில் அரசு கலைக் கல்லூரி அமைக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா்.