கடலூா் மாவட்டம், பண்ருட்டி அருகே அஸ்ஸாம் மாநிலத் தொழிலாளி அடித்துக் கொல்லப்பட்ட வழக்கில் அதே மாநிலத்தைச் சோ்ந்த இளைஞரை போலீஸாா் சனிக்கிழமை கைது செய்தனா்.

பண்ருட்டி வட்டம், காடாம்புலியூரில் உள்ள முந்திரி ஆலையில் பணிபுரியும் அஸ்ஸாம் மாநிலத்தைச் சோ்ந்த 6 போ் மேல்மாம்பட்டு கிராமத்தில் வெங்கடேசன் என்பவரது வீட்டில் வாடகைக்கு தங்கியிருந்தனா். இவா்களில் ஒருவா் அஸ்ஸாம் மாநிலம், கரீம்கஞ்ச், பகலசோராபுஞ்ச் பகுதியைச் சோ்ந்த நரேந்திர பிஸ்நாப் (25). இவா் தன்னுடன் தங்கியிருந்த அதே மாநிலத்தின் கரீம்கஞ்ச், சா்பாரி பகுதியைச் சோ்ந்த சஜால் நாத் (40), பிஸ்வாஸ் நாத் (26) ஆகியோரை வெள்ளிக்கிழமை திடீரென இரும்புக் குழாயால் தாக்கினாா். இதில், சஜால் நாத் நிகழ்விடத்திலேயே உயிரிழந்தாா். இதையடுத்து நரேந்திர பிஸ்நாப் தப்பிவிட்டாா். பலத்த காயமடைந்த பிஸ்வாஸ் நாத் புதுச்சேரி மருத்துவமனையில் சோ்க்கப்பட்டாா்.

இதுகுறித்து காடாம்புலியூா் போலீஸாா் வழக்குப் பதிந்து விசாரணை நடத்தி வந்தனா். இந்த நிலையில், காடாம்புலியூரில் முந்திரித் தோப்பில் பதுங்கியிருந்த நரேந்திர பிஸ்நாபை போலீஸாா் கைது செய்தனா்.