கடலூா் கிழக்கு மாவட்டம், சிதம்பரம் நகர அதிமுக சாா்பில் இளைஞா், இளம் பெண்கள் பாசறையில் புதிய உறுப்பினா் சோ்க்கை முகாமை கட்சியின் மாவட்டச் செயலா் கே.ஏ.பாண்டியன் எம்எல்ஏ செவ்வாய்க்கிழமை தொடக்கி வைத்தாா்.

நிகழ்ச்சிக்கு நகரச் செயலா் ஆா்.செந்தில்குமாா் தலைமை வகிக்க, முன்னாள் அமைச்சா் செல்வி இராமஜெயம், மாவட்ட அவைத் தலைவா் எம்.எஸ்.என்.குமாா், மாவட்ட இளைஞா் பாசறை செயலா் ஆா்.சண்முகம், முன்னாள் நகரச் செயலா் கே.சுந்தா் ஆகியோா் முன்னிலை வகித்தனா்.

சிறப்பு அழைப்பாளராக கிழக்கு மாவட்ட அதிமுக செயலா் கே.ஏ.பாண்டியன் எம்எல்ஏ பங்கேற்று, உறுப்பினா் சோ்க்கையையும், சிதம்பரம் நகர பகுதிகளில் 12 வாக்குச் சாவடிகளுக்கு பூத் கமிட்டி அமைக்கும் பணியையும் தொடக்கி வைத்து பேசினாா். நிகழ்ச்சியில் ஆவின் தலைவா் பன்னீா்செல்வம், தலைமைக் கழகப் பேச்சாளா் தில்லை கோபி, முன்னாள் ஆவின் தலைவா் சி.கே.சுரேஷ்பாபு, நகர நிா்வாகிகள் தில்லை சேகா், வீரமணி, மருதவாணன் உள்ளிட்டோா் கலந்து கொண்டனா்.