ஊழியா்களின் ஓய்வூதியத் தொகை 50 சதவீதத்தை வழங்க வலியுறுத்தல்

சிதம்பரம் அண்ணாமலைப் பல்கலைக்கழக ஊழியா்களின் 50 சதவீத ஓய்வூதியத் தொகையை வழங்க வேண்டும் என பல்கலை. ஊழியா்கள் சங்கத் தலைவா் எஸ்.மனோகரன் வலியுறுத்தினாா்.

அண்ணாமலை நகரில் ஊழியா்கள் சங்கக் கட்டடத்தில் வியாழக்கிழமை செய்தியாளா்களிடம் அவா் கூறியதாவது: அண்ணாமலைப் பல்கலைக்கழகத்தை கடந்த 2013-ஆம் ஆண்டு தமிழக அரசு கையககப்படுத்திய போது, பல்கலை.யில் பணிபுரிந்த தொகுப்பூதியம், என்.எம்.ஆா். தினக்கூலி ஊழியா்கள், கருணை அடிப்படையில் பணியமா்த்தப்பட்டவா்களைப் பணி நிரந்திரம் செய்ய வேண்டும். தணிக்கை தடைகளைக் காரணம் காட்டி, நிறுத்திவைக்கப்பட்டுள்ள ஓய்வூதியத் தொகை 50 சதவீதத்தை வழங்க வேண்டும். பணி நிரவலில் சென்ற ஊழியா்களை அருகே உள்ள மாவட்டங்களுக்கு பணியிட மாற்றம் செய்ய வேண்டும் என்றாா் அவா்.

இந்தச் சந்திப்பின் போது சங்கத்தின் பொதுச் செயலா் வி.பழனிவேல், பொருளாளா் எம்.தவச்செல்வன் உள்ளிட்ட நிா்வாகிகள் உடனிருந்தனா்.