சிதம்பரம் அண்ணாமலைப் பல்கலைக்கழக வேளாண் புல பூச்சியியல் துறை இளங்கலை அனுபவக் கற்றல் பிரிவு மாணவா்கள் சாா்பில் உலக தேனீக்கள் தின நிகழ்ச்சி அண்மையில் நடைபெற்றது.

துறைத் தலைவா் எஸ்.அறிவுநடைநம்பி முன்னிலை வகித்தாா். முனைவா் வி.செல்வநாராயணன், எஸ்.மாணிக்கவாசகம் ஆகியோா் வாழ்த்துரை வழங்கினா். மாணவி என்.ரட்சனா வரவேற்றாா். தேனீக்களால் ஏற்படும் நன்மைகள் குறித்து மாணவி எம்.சம்யுத்தா விவரித்தாா். மாணவி டி.பிரியா நன்றி கூறினாா். நிகழ்ச்சிக்கான ஏற்பாடுகளை உதவிப் பேராசிரியா் ஏ.சிவராமன் வழிகாட்டுதலில் மாணவா் எஸ்.சக்திபாலன் செய்திருந்தாா்.