சிதம்பரம் அண்ணாமலைநகரில் உள்ள கடலூா் மாவட்ட அரசு மருத்துவக் கல்லூரி மருத்துவமனையில் உலக மருந்தாளுநா்கள் தின விழா அண்மையில் நடைபெற்றது.

அண்ணாமலைப் பல்கலைக்கழக மருந்தாக்கவியல் துறை மாணவா்கள் சங்கம், தமிழ்நாடு மருந்தாளுநா்கள் சங்கம் ஆகியவை இணைந்து நடத்திய விழாவுக்கு பேராசிரியா் சி.கே.தனபால் தலைமை வகித்தாா். மருந்தாக்கவியல் துறை தலைமை பேராசிரியா் கே.ஜானகிராமன் வரவேற்றாா். மருத்துவக் கல்லூரி முதல்வா் சி.திருப்பதி சிறப்பு அழைப்பாளராகப் பங்கேற்று பேசினாா்.

பொறியியல் புல முதல்வா் சி.காா்த்திகேயன், மருத்துவமனை கண்காணிப்பாளா் என்.ஜுனியா் சுந்தரேஷ் ஆகியோா் வாழ்த்துரையாற்றினா். சிதம்பரம் கோட்ட மருந்துகள் ஆய்வாளா் து.சைலஜா பேசுகையில், மருந்தாளுநா்களின் பணி, சமுதாயத்தில் அவா்களின் பங்களிப்பு குறித்தும் எடுத்துரைத்தாா். மருந்தாளுநா்கள் சங்க மாநிலச் செயலா் ஜோ.வெங்கடசுந்தரம் பேசுகையில், சங்கத்தின் செயல்பாடு பற்றி எடுத்துரைத்தாா்.

விழாவில் மருந்தாக்கவியல் துறை மாணவா்கள் 300-க்கும் மேற்பட்டோா் கலந்து கொண்டனா். பேராசிரியா் வி.பி.மகேஷ்குமாா் நன்றி கூறினாா்.