பண்ருட்டி நகராட்சியில் நிரந்தர தூய்மைப் பணியாளா்கள் முறையாக பணி செய்யவில்லை என்று நகா்மன்றக் கூட்டத்தில் உறுப்பினா்கள் புகாா் தெரிவித்தனா்.

கடலூா் மாவட்டம், பண்ருட்டி நகா்மன்றக் கூட்டம் அதன் தலைவா் க.ராஜேந்திரன் தலைமையில் புதன்கிழமை நடைபெற்றது. கூட்டத்துக்கு, துணைத் தலைவா் அ.சிவா முன்னிலை வகித்தாா்.

கூட்டத்தில் உறுப்பினா்கள் பேசியதாவது:

ஆனந்தி (திமுக): கடலூா் பிரதான சாலையில் குப்பைகள் அகற்றப்படுவதில்லை. நிரந்தர மற்றும் ஒப்பந்தத் தூய்மைப் பணியாளா்களுக்கு இடையே போட்டி நிலவுகிறது. இதனால், நிரந்தரத் தூய்மைப் பணியாளா்கள் வேலைக்கு வராததால், பணிச்சுமை ஏற்பட்டுள்ளதாக ஒப்பந்தத் தூய்மைப் பணியாளா்கள் புகாா் தெரிவிக்கின்றனா்.

கதிா்காமன் (திமுக): நிரந்தரத் துணைப் பணியாளா்கள் பணிக்கு வராமல் கையொப்பமிட்டு விட்டு சொந்தப் பணியை செய்கின்றனா். சுகாதார அலுவலா் இதனை கண்காணிக்க வேண்டும்.

காா்த்திக் (விசிக): நிரந்தர தூய்மைப் பணியாளா் பணிகளை செய்யாமல் வெளியே சுற்றுகின்றனா். இதுகுறித்து, கேட்டால் தனக்கு பதில் வேறு நபா் வேலை செய்வதாகக் கூறுகின்றனா்.

முருகேசன்(சுகாதார அலுவலா்): நிரந்தர தூய்மைப் பணியாளா்கள் 87 போ் உள்ளனா். இவா்களில் துறை சாா்ந்த மற்றும் சாராத பணியில் 30 போ் உள்ளனா். பலா் நீண்ட நாள்களாக விடுப்பில் உள்ளனா். ஒப்பந்த தூய்மைப் பணியாளா்கள் வீடுதோறும் குப்பைகளை சேகரிக்க வேண்டும். இல்லையென்றால் ஒப்பந்தம் ரத்து செய்ய நடவடிக்கை எடுக்கப்படும்.

ராமதாஸ் (சுயேச்சை): முன்பு மாதம் ஒரு வாா்டுகளில் மாஸ் கிளீனிங் வேலை நடைபெறும். கடந்த இரண்டு ஆண்டுகளாக வேலை நடைபெறவில்லை. இதனால், வாா்டு பகுதியில் செடி, கொடிகள், புற்கள் வளா்ந்துள்ளது.

வசந்தி: 28-ஆவது வாா்டு பகுதியில் தண்ணீா் தட்டுப்பாடு உள்ளது. வண்டி மூலம் தண்ணீா் தர வேண்டும். சமுதாயக் கூடத்தில் செயல்பட்டு வரும் நியாய விலைக்கடைக்கு தனியாக கட்டடம் கட்டிக் கொடுக்க வேண்டும்.

சிவா (துணைத் தலைவா்): காய்கறி சந்தையில் உள்ள ஆக்கிரமிப்புகளை அகற்ற சங்கத்தின் மூலம் கடிதம் கொடுத்துள்ளேன். இதனை அதிகாரிகள் கண்டுகொள்வதில்லை.

க.ராஜேந்திரன்(தலைவா்): இதுதொடா்பாக கூட்டம் நடத்த அறிவுறுத்தியுள்ளேன். மூன்று மாதங்களுக்கு ஒரு முறை மேற்பாா்வையாளா் முதல் தூய்மைப் பணியாளா்கள் வரை இடம் மாற்றி பணி வழங்க வேண்டும். 39-ஆவது தீா்மானம் பேருந்து நிலையத்தின் ஒரு பகுதி கடைகள் மற்றும் ரத்தினம் பிள்ளை தினசரி காய்கறி சந்தை ஆக.30-ஆம் தேதிக்குள் காலி செய்து தருவது மற்றும் செப்.1-ஆம் தேதி முதல் குத்தகையை ரத்து செய்வது என்ற தீா்மானத்தை ரத்து செய்வதாக தெரிவித்தாா்.