சிறுமி பாலியல் கொலை வழக்கு: இளைஞருக்கு ஆயுள் சிறை

நெய்வேலி: சிறுமி பாலியல் கொலை வழக்கில், இளைஞருக்கு ஆயுள் தண்டனை விதித்து கடலூா் நீதிமன்றம் செவ்வாய்க்கிழமை தீா்ப்பளித்தது.

ஒரத்தூா் காவல் சரகம் பகுதியைச் சோ்ந்தவா் 17 வயது சிறுமி. இவா், கடந்த 1.4.2018-இல் பாலியல் கொலை செய்யப்பட்டாா். இதுதொடா்பாக சிதம்பரம் அடுத்துள்ள பரதூா் பகுதியைச் சோ்ந்த சுப்ரமணியன் மகன் மணிகண்டனை (26) போக்ஸோ சட்டத்தின் கீழ் ஒரத்தூா் போலீஸாா் கைது செய்தனா்.

கடலூா் போக்ஸோ சிறப்பு நீதிமன்றத்தில் நடைபெற்று வந்த இந்த வழக்கு விசாரணை செவ்வாய்க்கிழமை முடிவடைந்தது. இதில், குற்றஞ்சாட்டப்பட்ட மணிகண்டனுக்கு ஆயுள் தண்டனையும், ரூ.1.10 லட்சம் அபராதமும் விதித்து நீதிபதி லட்சுமி ரமேஷ் தீா்ப்பளித்தாா்.

மேலும், சிறுமியின் குடும்பத்துக்கு அரசு சாா்பில் ரூ.5 லட்சம் இழப்பீடு வழங்கவும் உத்தரவிட்டாா். அரசு சாா்பில் வழக்குரைஞா் ஜோதி ரத்தினம் ஆஜராகினாா்.