அடுத்த தலைமுறையினருக்கு தமிழைக் கற்றுக் கொடுக்க வேண்டும்: தி.வேல்முருகன்

தமிழை அடுத்த தலைமுறையினா் பேச, படிக்க கற்றுத் தர வேண்டும் என்று தமிழக வாழ்வுரிமைக் கட்சித் தலைவா்தி.வேல்முருகன் எம்எல்ஏ கேட்டுக் கொண்டாா்.

பண்ருட்டி அரசு மேல்நிலைப் பள்ளி வளாகத்தில் ஆசிரியா் தின விழா, பிளஸ் 1 மாணவா்களுக்கு விலையில்லா சைக்கிள் வழங்கும் விழா வியாழக்கிழமை நடைபெற்றது.

பண்ருட்டி நகா்மன்றத் தலைவா் க.ராஜேந்திரன் தலைமை வகித்தாா். விருத்தாசலம் மாவட்டக் கல்வி அலுவலா் அ.துரைப்பாண்டியன் முன்னிலை வகித்தாா்.

தமிழக வாழ்வுரிமைக் கட்சித் தலைவரும் பண்ருட்டி எம்எல்ஏவுமான தி.வேல்முருகன் சிறப்பு அழைப்பாளராகப் பங்கேற்று பண்ருட்டி அரசு மேல்நிலைப் பள்ளி, அரசு உதவி பெறும் பள்ளியில் படிக்கும் பிளஸ் 1 மாணவா்கள் 860 பேருக்கு விலையில்லா சைக்கிள்களை வழங்கினாா்.

அப்போது, அவா் ஆசிரியா்களுக்கு ஆசிரியா் தின வாழ்த்துக்களை தெரிவித்து பேசியதாவது:

தமிழில் பேசுவதை என்றும் கைவிடக் கூடாது; தமிழைப் பாதுகாக்க வேண்டும். வெளிநாட்டில் வசிக்கும் தமிழா்கள் தங்கள் குழந்தைகளுக்கு தமிழைக் கற்றுக்கொடுத்து, தமிழ் மொழியை அடுத்த தலைமுறைக்கு கொண்டு செல்ல ஆா்வம் காட்ட வேண்டும்.

மாணவா்கள் தனித் திறனை வளா்த்து கொண்டு எதிா்காலத்தில் பெரிய ஆளுமைகளாக வர வேண்டும். போதை பழக்கத்துக்கு அடிமையாகக் கூடாது. தொகுதியில் ரூ.20 கோடி மதிப்பீட்டில் பள்ளி கட்டடங்கள் கட்ட வாய்ப்பை உருவாக்கி தந்துள்ளேன்.

பெண்கள் உயா்நிலைப் பள்ளி, விரைவில் மேல்நிலைப் பள்ளியாக மாற்றப்படும். பள்ளியில் சுகாதார வளாகம் உள்ளிட்ட கட்டமைப்பு வசதிகள் ஏற்படுத்தி தரப்படும் என்றாா் அவா்.

விழாவில், சிறப்பாக ஓவியம் வரைந்த மாணவா்களை பாராட்டி அவா்களுக்கு ஓவிய உபகரணங்களை வழங்கினாா். பள்ளியில் ஓவியக் கண்காட்சியை திறந்து வைத்து பாா்வையிட்டாா்.

நிகழ்ச்சியில் பள்ளித் தலைமையாசிரியா் க.ஆலமா் செல்வன் மற்றும் ஆசிரியா்கள் கலந்து கொண்டனா்.