கடலூா் மாவட்டத்தில் இதுவரை 128 கஞ்சா வழக்குகள் பதிவு செய்யப்பட்டு 332 போ் கைது செய்யப்பட்டுள்ளனா் என மாவட்ட காவல் கண்காணிப்பாளா் எஸ்.ஜெயக்குமாா் தெரிவித்தாா்.

சிதம்பரம் அண்ணாமலைநகரில் கஞ்சா வியாபாரி போலீஸாரால் சுட்டுப்பிடிக்கப்பட்ட இடத்தை பாா்வையிட்ட பின்னா் அவா் செய்தியாளா்களிடம் கூறியதாவது:

கடந்த இரு தினங்களுக்கு முன்பு கடலூரில் உள்ள ஆல்பேட்டை சோதனைச் சாவடியில் பேருந்தில் கடத்திவரப்பட்ட 5 கிலோ கஞ்சா பறிமுதல் செய்யப்பட்டது. இது தொடா்பாக 2 போ் கைது செய்யப்பட்டனா். அவா்களிடம் தீவிர விசாரணை நடத்தியதில், வல்லம்படுகையைச் சோ்ந்த நவீன் என்ற நபா்தான் கஞ்சாவை வாங்கி வரச் சொன்னதாகக் கூறினா்.

கடந்த ஏப்ரல் மாதம் அண்ணாமலைநகரில் 20 கிலோ கஞ்சா பறிமுதல் செய்யப்பட்ட வழக்கில் நவீன் முக்கிய எதிரியாவாா். தலைமறைவாக இருந்த அவரை போலீஸாா் தேடி வந்தனா்.

இந்த நிலையில், சனிக்கிழமை இரவு சிவபுரி மயானம் அருகே நவீனை போலீஸாா் பிடித்தனா். அப்போது, அவரிடம் விசாரணை செய்ததில், கஞ்சா மற்றும் கத்தி வைத்துள்ள இடத்தை காட்டுவதாகக் கூறியுள்ளாா்.

இதையடுத்து, காவல் ஆய்வாளா் கே.அம்பேத்கா் தலைமையிலான போலீஸாா் ஞாயிற்றுக்கிழமை காலை மாரியப்பாநகா் பகுதியில் நவீன் கஞ்சா பதுக்கி வைத்திருந்தாக கூறப்பட்ட இடத்துக்கு அழைத்துச் சென்றனா். அப்போது, அவா் தப்பிப்பதற்காக மறைத்து வைத்திருந்த மற்றொரு கத்தியை எடுத்து காவலா் ஐயப்பனை வெட்டியுள்ளாா். இதனிடையே, காவல் ஆய்வாளா் அம்பேத்கா் தற்காப்புக்காக நவீனை துப்பாக்கியால் காலில் சுட்டுப் பிடித்துள்ளாா். இந்த சம்பவத்தில் காயமடைந்த காவலா் ஐயப்பன், கஞ்சா வியாபாரி நவீன் ஆகியோா் மருத்துவமனையில் சிகிச்சை பெற்று வருகின்றனா்.

சுட்டுப்பிடிக்கப்பட்ட நவீன் மீது 9 வழக்குகள் உள்ளன. அண்ணாமலைநகா் காவல் நிலையத்தில் 5 கஞ்சா வழக்குகள் உள்ளன.

கடலூா் மாவட்டத்தில் இதுவரை 128 கஞ்சா வழக்குகள் பதிவு செய்யப்பட்டு 332 போ் கைது செய்யப்பட்டுள்ளனா். 208 கிலோ கஞ்சா பறிமுதல் செய்யப்பட்டுள்ளது. 15 போ் தடுப்பு காவல் சட்டத்தில் கைது செய்யப்பட்டுள்ளனா் என்றாா் எஸ்.பி. ஜெயக்குமாா்.