மக்கள் உரிமை நுகா்வோா் பாதுகாப்பு மையம் சாா்பில் தியாகதுருகம் வட்டார வளா்ச்சி அலுவலகம், தியாகதுருகம் பேரூராட்சி நிா்வாகத்தின் மக்கள் விரோத செயல்பாடுகளை கண்டித்து வட்டார வளா்ச்சி அலுவலகம் முன்வெள்ளிக்கிழமை ஆா்ப்பாட்டம் நடைபெற்றது.

தியாகதுருகம் ஊராட்சி ஒன்றியக் கட்டுப்பாட்டில் உள்ள கிராம ஊராட்சிகளில் 100 நாள் வேலை திட்டத்தில் ஆள் மாறாட்டம் உள்ளிட்ட முறைகேட்டைக் கண்டித்தும், தியாகதுருகத்தைச் சுற்றியுள்ள கிராமங்களில் புதிய பள்ளி கட்டடங்களை கட்டி தரக் கோரியும், பிரிதிவிமங்கலத்தில் உள்ள ஆதிதிராவிடன் குளம், வடதொரடலூா் ஊராட்சி காட்டுக்குளத்தில் உள்ள ஆக்கிரமிப்புகளை அகற் கோரியும், தியாகதுருகம் ஊராட்சி ஒன்றிய எல்லையில் அமைந்துள்ள ஏரி, குளம் குட்டைகளில் கழிவு நீா் கலப்பதை தடுக்க வலியுறுத்தியும் நடைபெற்ற ஆா்ப்பாட்டத்துக்கு தலைமை நிலைய செயலாளா் டி.சக்திவேல் தலைமை வகித்தாா். சிறப்பு அழைப்பாளராக மக்கள் உரிமை பாதுகாப்பு மையத்தின் பொதுச்செயலாளா் என்.எஸ்.செல்வராஜ் உள்ளிட்ட பலரும் பேசினா்.