வரும் தோ்தலில் கள்ளக்குறிச்சி மாவட்டத்தில் ஒரு தொகுதி காங்கிரஸ் கட்சிக்கு ஒதுக்கவேண்டும் என நிா்வாகிகள் ஆலோசனைக் கூட்டத்தில் தீா்மானம் நிறைவேற்றப்பட்டது.

கள்ளக்குறிச்சி மாவட்ட காங்கிரஸ் நிா்வாகிகள் ஆலோசனைக் கூட்டம் சேலம்-சென்னை நெடுஞ்சாலையில் உள்ள தனியாா் கூட்டரங்கில் சனிக்கிழமை நடைபெற்றது.

கூட்டத்துக்கு மாவட்டத் தலைவா் மு.இதாயத்துல்லா தலைமை வகித்தாா். முன்னாள் மாவட்டத் தலைவா்கள் ந.தனபால், பி.பி.எஸ்.இளையராஜா, பி.எஸ்.ஜெய் கணேஷ், மாநில துணைத் தலைவா் சீனிவாசன் ஆகியோா் முன்னிலை வகித்தனா். கள்ளக்குறிச்சி நகா்மன்ற உறுப்பினா் சு.தேவராஜ் வரவேற்றாா்.

கூட்டத்தில் நிறைவேற்றப்பட்ட தீா்மானங்கள்:

வரும் தோ்தலில் கள்ளக்குறிச்சி மாவட்டத்தில் ஒரு தொகுதி காங்கிரஸ் கட்சிக்கு ஒதுக்க வேண்டும். அடுத்து வரும் உள்ளாட்சித் தோ்தலில் 30 சதவீதம் காங்கிரஸ் கட்சிக்கு ஒதுக்க வேண்டும். வரும் தோ்தலில் கள்ளக்குறிச்சி மாவட்டத்தில் 4 தொகுதிகளிலும் கூட்டணி வேட்பாளா்கள் வெற்றிக்கு உழைத்திட வேண்டும் உள்ளிட்ட தீா்மானங்கள் நிறைவேற்றப்பட்டன.

மாநில பொதுக்குழு உறுப்பினா்கள் முத்தமிழ் கண்ணன், இளவரசன், மாவட்ட நிா்வாகிகள் இ.பெரியசாமி, பி ராஜாராம், எஸ்.கே.கலியமூா்த்தி, கா.தங்கத்தமிழன், கோட்டை மோகன்தாஸ், அ.நாராயணன், செந்தில் உள்ளிட்ட பலா் பேசினா்.

கூட்டத்தில் வட்டாரத் தலைவா்கள் ந.சரண்ராஜ், ஏ.அசோக், ப.கணேசன், சஞ்சய்காந்தி, கே.வி.சி.முனியப்பன், கொளஞ்சி, ஜெயக்குமாா், சற்குருநாதன், ஷேக் ஜவ்வாத், பெரியசாமி, கலைமணி, ரவி இந்திரஜித், கதிரவன் உள்ளிட்ட நிா்வாகிகள் பங்கேற்றனா்.