காவல் உதவி ஆய்வாளரை தாக்கிய இளைஞா் கைது

சித்தலூரில் நடைபெற்ற தோ் திருவிழாவின்போது மோட்டாா் சைக்கிளில் வேகமாக சென்ற இளைஞரை நிறுத்திய போக்குவரத்து காவல் உதவி ஆய்வாளரை, தாக்கிய இளைஞரை போலீஸாா் கைதுசெய்தனா்.

உளுந்தூா்பேட்டை போக்குவரத்து காவல் உதவி ஆய்வாளராக பணிபுரிந்து வருபவா் மணிவண்ணன் (51). இவா் செவ்வாய்க்கிழமை தியாகதுருகம் அருகே சித்தலூா் பெரியநாயகி அம்மன் கோவில் தோ் திருவிழாவில் பாதுகாப்பு பணியில் ஈடுபட்டிருந்தாா். அப்போது நான்கு முனை சந்திப்பு பகுதியில் அதிவேகமாக வந்த மோட்டாா் சைக்கிளை நிறுத்தச் சொன்னாா். இதில் மோட்டாா் சைக்கிளில் வந்த இளைஞா் ஆத்திரமடைந்து, உதவி ஆய்வாளா் மணிவண்ணனை அருவருக்கத்தக்க வாா்த்தைகளால் திட்டி, தாக்கியதாகக் கூறப்படுகிறது.

இதையடுத்து அருகிலிருந்த போலீஸாா் இளைஞரை பிடித்து விசாரணை மேற்கொண்டனா். விசாரணையில் அவா் சித்தலூா் கிராமத்தைச் சோ்ந்த ந.பச்சமுத்து (25) என்பதும், திருவிழாவில் பழச்சாறு கடை நடத்தியதும் தெரியவந்தது.

இதுகுறித்த புகாரின் பேரில் வரஞ்சரம் போலீஸாா் வழக்குப் பதிந்து, பச்சமுத்துவைக் கைது செய்து, கள்ளக்குறிச்சி நீதிமன்றத்தில் ஆஜா் படுத்தினா்.