புதுவை திறன் மேம்பாட்டு நிறுவனத்தில் வேலைவாய்ப்பு முகாம் சனிக்கிழமை (செப். 15) நடைபெற உள்ளது.
இதுகுறித்து புதுவை தொழிலாளர் துறை கூடுதல் செயலரும், வேலைவாய்ப்பு அலுவலக இயக்குநருமான வல்லவன் வியாழக்கிழமை வெளியிட்ட செய்திக் குறிப்பு:
புதுவை அரசு தொழிலாளர் துறை, நவயுகா கன்சல்டன்சி ஆகியவை சார்பில் சனிக்கிழமை காலை 9 முதல் பிற்பகல் 2 மணி வரை வேலைவாய்ப்பு முகாம் தூய்மோஸ் வீதியில் உள்ள புதுவை திறன் மேம்பாட்டு நிறுவனத்தில் நடைபெற உள்ளது. 
முகாமில் சென்னை சதர்லேண்ட் குலோபல் சர்வீசஸ் என்ற தனியார் நிறுவனம் நேர்முக தேர்வை நடத்த உள்ளது.
இந்த நேர்முகத் தேர்வில் 150 காலிப் பணியிடங்கள் நிரப்பப்பட உள்ளன. இளநிலை பட்டம் / டிப்ளமோ கல்வி தகுதியுடைய 25 வயதுக்கு உள்பட்ட நபர்கள் கலந்து கொள்ளலாம். பணியில் சேர்பவர்களுக்கு மாத ஊதியமாக ரூ. 15 ஆயிரம் முதல் ரூ. 17,500 வரை வழங்கப்படும்.  
முகாமில் கலந்து கொள்பவர்கள் தங்களது பயோ டேட்டா மற்றும் கல்வி தகுதிக்கான உண்மை அசல், நகல் சான்றிதழ்களுடன் வர வேண்டும் என அந்தச் செய்திக் குறிப்பில் தெரிவிக்கப்பட்டுள்ளது.