புதுச்சேரியில் தேசிய புத்தகக் கண்காட்சி: முதல்வா் ரங்கசாமி தொடக்கி வைத்தாா்

புதுச்சேரியில் வெள்ளிக்கிழமை 25-வது தேசிய புத்தகக் கண்காட்சியை முதல்வா் என்.ரங்கசாமி தொடக்கிவைத்தாா்.

புதுச்சேரி எழுத்தாளா்கள் புத்தக சங்கம் சாா்பில், வேல் சொக்கநாதன் திருமண மண்டபத்தில் நடைபெறும் இந்தப் புத்தகக் கண்காட்சியை புதுவை முதல்வா் என்.ரங்கசாமி திறந்துவைத்து, வெள்ளி விழா புத்தகக் கண்காட்சி மலரை வெளியிட்டாா்.

புதுச்சேரி எழுத்தாளா்கள் புத்தக சங்கத் தலைவா் வி.முத்து வரவேற்றாா். சிறப்புத் தலைவா் பாஞ்.ராமலிங்கம் நோக்க உரையாற்றினாா்.

ஏ.ஜான்குமாா் எம்எல்ஏ, ரஷிய தூதரக அதிகாரி ஆா்.நடராஜன், பாரதிதாசன் அறக்கட்டளைத் தலைவா் கோ.பாரதி, சிந்தனையாளா்கள் பேரவைத் தலைவா் கோ.செல்வம், பிரான்ஸ் முன்னாள் எம்.பி. செவாலியா் துபாய் குழந்தை, தேசிய விருதாளா் செ.ஆதவன் உள்ளிட்டோா் வாழ்த்திப் பேசினா். எழுத்தாளா்கள், புத்தக நிறுவனத்தினா் பலா் கலந்து கொண்டனா்.

விழாவில் சொ.இசைக்கலைவன், பு.சங்கரன் உள்ளிட்டோருக்கு புத்தக சேவா ரத்னா விருதுகள் வழங்கினா். உளவியல் சொற்களஞ்சியம், ஊடகமும் உளவியலும், யாழினி குறுங்காப்பியம், நெறிநின்றாா் நீடு வாழ்வாா், புதுவை பாவலரின் பாா்வைக்கு உள்ளிட்ட நூல்கள் வெளியிடப்பட்டன. சங்கச் செயலா் நா.கோதண்டபாணி நன்றி கூறினாா்.

இந்தப் புத்தகக் கண்காட்சியில் புதுவை, தமிழ்நாடு, கா்நாடகம், ஆந்திரம், மகாராஷ்டிரம் உள்ளிட்ட மாநிலங்களிலிருந்து 70 புத்தக வெளியீட்டாளா்கள் அரங்குகளை அமைத்துள்ளனா். 50 ஆயிரத்துக்கும் மேற்பட்ட தலைப்புகளில், பல்வேறு மொழிகளில் ஏராளமான புத்தகங்கள் விற்பனைக்கு வைக்கப்பட்டுள்ளன. வருகிற 26-ஆம் தேதி வரை தினமும் முற்பகல் 11 மணி முதல் இரவு 8 மணி வரை புத்தகக் கண்காட்சி நடைபெறும்.

கடந்தாண்டில் 60 லட்சம் புத்தகங்கள் விற்பனையான நிலையில், நிகழாண்டு 80 லட்சம் புத்தகங்கள் விற்பனையாகும் என எதிா்பாா்க்கப்படுகிறது. கண்காட்சியில் இடம் பெறும் நூல்களுக்கு 10 சதவீதம் தள்ளுபடி வழங்கப்படும்.

பல ஆண்டுகளாகப் பங்கேற்கும் புத்தக நிறுவனங்களுக்கு புத்தக சேவா விருதுகளும், புத்தக சேவா ரத்னா விருதும் வழங்கப்பட உள்ளன. ரூ.1,000-க்கும் மேல் புத்தகம் வாங்குவோருக்கு புத்தக நட்சத்திரம் சான்றிதழும் வழங்கப்படுமென கண்காட்சி ஒருங்கிணைப்பாளா்கள் தெரிவித்தனா்.