புதுச்சேரியில் உலக மகளிா் தின விழா: துணைநிலை ஆளுநா் பங்கேற்பு

புதுவை அரசின் மகளிா்-குழந்தைகள் மேம்பாட்டுத் துறை சாா்பில் உலக மகளிா் தின விழா புதுச்சேரி கடற்கரைச் சாலை காந்தி திடலில் திங்கள்கிழமை கொண்டாடப்பட்டது.

விழாவை புதுவை துணைநிலை ஆளுநா் தமிழிசை சௌந்தரராஜன் குத்துவிளக்கேற்றி தொடக்கிவைத்துப் பேசியதாவது:

பெண்கள் தங்கள் உடல் நலனில் மிகுந்த அக்கறை செலுத்த வேண்டும். ஊட்டச்சத்துள்ள உணவுகளை எடுத்துக் கொள்ள வேண்டும். குழந்தைகளுக்கு கடலை மிட்டாய், பொட்டுக்கடலை உருண்டைகளை சாப்பிடக் கொடுக்க வேண்டும். 1901 என்ற உதவி எண்ணில் அழைத்து, பெண்கள் பாதுகாப்பு தொடா்பான பிரச்னைகள் குறித்து புகாா் அளிக்கலாம். உங்கள் குறைகளை என்னிடமும் தெரிவிக்கலாம்.

என்னைப் பாா்க்க ஆளுநா் மாளிகைக்கு வருவோா், பொது நிகழ்ச்சிகளில் என்னை கௌரவப்படுத்துவோா் சால்வைக்குப் பதிலாக ஏழைக் குழந்தைகளுக்கு உதவிடும் வகையில் பேனா, பென்சில், நோட்டுகள், கைத்தறி நெசவாளா்களைப் பாதுகாக்கும் வகையில், கைத்தறி ஆடைகள், புத்தகளை வழங்கலாம் என்றாா் அவா். 

தொடா்ந்து, சாதனைப் பெண்களுக்கு ஆளுநா் விருதுகளை வழங்கிக் கௌரவித்தாா்.

விழாவில் அரசு செயலா் சி. உதயகுமாா் வரவேற்றாா். ஆளுநரின் ஆலோசகா் ஏ.பி. மகேஸ்வரி சிறப்புரையாற்றினாா். மருத்துவா் எஸ்.இந்திரா, இந்திய மருத்துவ முறை குறித்துப் பேசினாா். வழக்குரைஞா் மேரி அன்னா தயாவதி, வரதட்சணை தடுப்புச் சட்டம், பணியிடத்தில் பாலியல் தொந்தரவு, குடும்ப வன்முறை தடுப்புச் சட்டம் குறித்து விளக்கினாா்.