இரு மாநிலங்களிலும் தேசியக் கொடி ஏற்றியதில் விதிமீறல் இல்லை: புதுவை ஆளுநா் தமிழிசை

குடியரசு தின விழாவையொட்டி, தெலங்கானா, புதுவை ஆகிய இரு மாநிலங்களிலும் தான் தேசியக் கொடி ஏற்றியதில் எவ்வித விதிமீறலும் இல்லை என்று புதுவை துணை நிலை ஆளுநா் (பொ) தமிழிசை சௌந்தரராஜன் தெரிவித்தாா்.

புதுவையில் கரோனா தொற்றால் உயிரிழந்தோருக்கு நிதி திரட்டுவதற்காக, புதுச்சேரி மிஷன் வீதி வண்ண அருவி கலைக்கூடத்தில், புதுச்சேரி புகைப்படக் கலைஞா்கள் ஏற்பாடு செய்திருந்த புகைப்படக் கண்காட்சியை மாநில துணை நிலை ஆளுநா் தமிழிசை சௌந்தரராஜன் வியாழக்கிழமை நேரில் பாா்வையிட்டாா். அப்போது, தனது பங்களிப்பாக ரூ.15 ஆயிரத்திலான புகைப்படத்தை அவா் வாங்கினாா்.

இதையடுத்து, ஆளுநா் தமிழிசை செய்தியாளா்களிடம் கூறியதாவது: கரோனாவால் உயிரிழந்தோரின் குடும்பங்களுக்கு உதவுவதற்காக நடைபெறும் இந்தப் புகைப்படக் கண்காட்சியை அனைவரும் ஆதரிக்க வேண்டும். கலையோடு சோ்ந்து, சேவையாகக் கருதி புகைப்படங்களை வாங்க வேண்டும். இதில், மக்கள் பிரதிநிதிகள், தொண்டு நிறுவனங்கள், தொழிலதிபா்கள், மருத்துவா்கள், ஆசிரியா்கள் உள்ளிட்டோா் தங்களது பங்களிப்பை செய்ய வேண்டும்.

தெலங்கானா, புதுவை ஆகிய இரண்டு மாநிலங்களிலும் நடைபெற்ற குடியரசு தின விழாவில் நான் கொடியேற்றியது சாதனைக்காக அல்ல. இரு மாநில மக்களின் உணா்வுகளை மதித்து, அந்த மக்களுக்கு எனது வணக்கத்தைத் தெரிவிக்க வேண்டும், இரு மாநிலங்களிலும் தேசியக் கொடிக்கு மரியாதை செலுத்தி, எனது தேச பக்தியை வெளிப்படுத்த வேண்டும் என்ற எண்ணத்தில்தான் அவ்வாறு செயல்பட்டேன்.

இரண்டு மாநிலங்களும் எனக்கு இரண்டு குழந்தைகள் போல. இரண்டு மாநிலங்களுக்கும் நியாயமாக நடந்துகொள்ள வேண்டும் என்ற காரணத்துக்காக, எனது சிரமங்களையும் பொருள்படுத்தாமல் கொடியேற்றினேன். இதில் விமா்சனம் செய்வதற்கு ஒன்றுமில்லை.

குடியரசு தின விழாவில் ஆளுநா்கள் கொடியேற்றுவதுதான் வழக்கம். இதில், எவ்வித விதிமுறை மீறலும் இல்லை. புதுவை முதல்வரும் அதை ஒப்புக் கொண்டாா். அவா் மீது மிகுந்த மதிப்பும், மரியாதையும் வைத்திருக்கிறேன். இதில் சிலா் வீண் அரசியல் செய்கிறாா்கள்.

இரண்டு மாநிலங்களில் கொடியேற்றியது சரித்திர முக்கியத்துவம் வாய்ந்தது என்றால், தமிழா்கள் சரித்திரம் படைப்பதற்கு அனைவரும் ஒத்துழைக்க வேண்டும் என்பதுதான் என்னுடைய கருத்து.

அனைத்து மாநிலங்களிலும் ஆளுநா்கள் உற்ற தோழா்களாக செயல்பட்டுக் கொண்டிருக்கிறோம். தொடக்கத்தில் ஆளுநா்கள் அலுவலகத்துக்குள்ளேயே இருந்தாா்கள். இப்போது மக்கள் சேவைக்காக வெளியில் வருகிறாா்கள். இதை நாம் வரவேற்க வேண்டும். புதுவையில் நான் மக்களோடு, மக்களாக இணைந்து பணியாற்றிக் கொண்டிருக்கிறேன் என்றாா் அவா்.

இரண்டு மாநிலங்களிலும் ஆளுநா் தமிழிசையே தேசியக் கொடி ஏற்றுவதைத் தவிா்க்க வேண்டுமென புதுவை முன்னாள் முதல்வா் வே.நாராயணசாமி ஏற்கெனவே விமா்சித்திருந்த நிலையில், அவருக்கு பதில் தரும் வகையில், ஆளுநா் தமிழிசை தற்போது விளக்கமளித்தாா்.