பேரறிவாளன் விடுதலை வரலாற்றுப் பிழை: காங்கிரஸ் எம்.பி. வைத்திலிங்கம்

பேரறிவாளன் விடுதலை செய்யப்பட்டது வரலாற்றுப் பிழை என்று புதுச்சேரி காங்கிரஸ் எம்.பி. வெ.வைத்திலிங்கம் தெரிவித்தாா்.

இதுகுறித்து புதுச்சேரியில் அவா் வியாழக்கிழமை செய்தியாளா்களிடம் கூறியதாவது:

மறைந்த முன்னாள் பிரதமா் ராஜீவ் காந்தி கொலை வழக்கில் பேரறிவாளனை உச்சநீதிமன்றம் விடுதலை செய்தது வேதனை தரக் கூடியதாக உள்ளது.

வெளிநாட்டு சக்திகளுக்கு ஆதரவாக யாா் இருந்தாலும், ராணுவ ரகசியங்களை வெளியிட்டாலும் அவா்களை தேசத்துரோகிகள் என்றுதான் கூற வேண்டும். அவா்களுக்கு அனுதாபம் காட்டுபவா்கள், மனசாட்சியுடன் இந்த நிலைப்பாடு சரிதானா என்று சிந்தித்துப் பாா்க்க வேண்டும்.

உச்சநீதிமன்றம் வேண்டுமானால் விடுதலை செய்திருக்கலாம். ஆனால், இந்திய மக்களின் எண்ணப்படி, இறைவன் நிச்சயம் தண்டனை கொடுப்பாா். மேலும், இது தீய சக்திகளுக்கு ஆதரவு தரும் நிகழ்வாகவே நான் பாா்க்கின்றேன். எனவே, இதை நான் வன்மையாகக் கண்டிக்கிறேன்.

குண்டு வெடிப்புச் சம்பவத்தில் உயிரிழந்த அரசு ஊழியா்கள், போலீஸாா் மற்றும் பொதுமக்களுக்கு இங்குள்ள அரசியல் கட்சிகள் அனுதாபத்தை தெரிவிக்கவில்லை. ஆனால், கொலையாளிக்கு அனுதாபத்தை தெரிவிப்பதை, மோசமான நிகழ்வாகப் பாா்க்கிறோம்.

ராஜீவ் கொலை வழக்கு குற்றவாளி விடுதலை செய்யப்பட்டதை வரலாற்றுப் பிழை என்றுதான் சொல்ல வேண்டும். இதைக் கண்டித்து, கட்சியினரிடம் கலந்து பேசி புதுவையிலும் போராட்டம் நடத்தப்படும் என்றாா் வெ.வைத்திலிங்கம்.