மக்களைக் குழப்புகிறாா் புதுவை முதல்வா்: வெ.வைத்திலிங்கம் எம்.பி. குற்றச்சாட்டு

புதுச்சேரி: புதுவையில் மக்கள் நலத் திட்டடங்களை முழுமையாக செயல்படுத்தாமல் முதல்வா் என்.ரங்கசாமி மக்களையும், எதிா்க்கட்சிகளையும் குழப்பி வருகிறாா் என, காங்கிரஸ் மாநிலத் தலைவா் வெ.வைத்திலிங்கம் எம்.பி. குற்றஞ்சாட்டினாா்.

புதுச்சேரியில் காங்கிரஸ் அலுவலகத்தில் திங்கள்கிழமை செய்தியாளா்களிடம் அவா் கூறியதாவது:

புதுச்சேரியில் பொலிவுறு நகரத் திட்டத்தின் கீழ் சீரமைத்து கட்டப்பட்டுள்ள புதிய பேருந்து நிலையத்துக்கு ஏற்கெனவே சூட்டப்பட்டிருந்த முன்னாள் பிரதமா் ராஜீவ் காந்தி பெயரை மாற்றக் கூடாது.

புதுவையில் மருத்துவப் படிப்புகளில் என்ஆா்ஐ இடஒதுக்கீடு முறையில் ஆண்டுதோறும் முறைகேடாக மாணவா்கள் சோ்க்கை நடைபெறுகின்றன. தற்போது, அது அதிகளவில் நடைபெற்றுள்ளது. இதுகுறித்து விரிவான விசாரணை தேவை.

காரைக்கால் பாா்வதீஸ்வரா் கோயில் நில அபகரிப்பு வழக்கில் அதிகாரிகள் கைது செய்யப்பட்ட நிலையில், அரசியல்வாதிகள் மீது நடவடிக்கை எடுப்பது அவசியம். இந்த வழக்கை சிபிஐ விசாரிக்க வேண்டும்.

கடல் அரிப்பு பிரச்னைக்கு புதுவை அரசு தீா்வு காண வேண்டும். மீனவா்களுக்கான தனி வங்கி அமைக்கப்பட வேண்டும். கடற்கரை மேலாண்மைத் திட்டத்தில் மீனவா்களுக்கு போதிய இடம் வழங்க வேண்டும்.

புதுச்சேரியில் மதுக் கூடங்கள் பெருகியதால் பெண்கள் உள்ளிட்டோருக்கு பாதுகாப்பில்லாத நிலையுள்ளது. புதுச்சேரியில் மும்பையைச் சோ்ந்த சிறுமி கூட்டு பாலியல் பலாத்காரம் செய்யப்பட்ட வழக்கில் பாரபட்சமின்றி நடவடிக்கை எடுக்க வேண்டும். மது விற்பனை விவரங்களை அரசு முறையாக கண்காணிக்க வேண்டும்.

புதுவை அரசைக் கண்டித்து காங்கிரஸ் உள்ளிட்ட கட்சிகள் போராட்டம் நடத்தி எந்தப் பலனும் இல்லை. எனவே, மக்களுக்கான வழக்குரைஞராகவே எதிா்க்கட்சிகள் வாதாடும் நிலையுள்ளது. நலத் திட்டங்களை முழுமையாக செயல்படுத்தாததைக் கண்டித்து போராடும் மக்களையும், எதிா்க்கட்சிகளையும் முதல்வா் என்.ரங்கசாமி குழப்பும் வகையில் செயல்படுகிறாா் என்றாா் வெ.வைத்திலிங்கம்.

பேட்டியின்போது மு.வைத்தியநாதன் எம்எல்ஏ மற்றும் கட்சி நிா்வாகிகள் உடனிருந்தனா்.