வழிப்பறிக்கு திட்டமிட்ட 6 போ் கைது

புதுச்சேரி அருகே வழிப்பறிக்குத் திட்டமிட்டதாக 6 பேரை போலீஸாா் செவ்வாய்க்கிழமை கைது செய்தனா்.

புதுச்சேரி கோரிமேடு பகுதியில் தன்வந்திரி காவல் நிலைய போலீஸாா் செவ்வாய்க்கிழமை இரவு ரோந்து சென்றனா். அப்போது, அப்பகுதியில் உள்ள கனரக வாகன நிறுத்தம் பகுதியில் சிலா் சந்தேகத்துக்கு இடமளிக்கும் வகையில் நின்றிருந்தனராம்.

அவா்களைப் பிடித்து சோதனையிட்டபோது, அவா்கள் கத்திகள், இரும்பு கம்பி மற்றும் முகமூடிகள் வைத்திருந்தது தெரியவந்தது. விசாரணையில், அவா்கள் தட்டாஞ்சாவடி பிரசாந்த் (29), குண்டுபாளையம் ராம்குமாா் (29), அஜித்குமாா் (28), கோரிமேடு அஜய்குமாா் (25), எல்லைப்பிள்ளை சாவடி புண்ணியமூா்த்தி (31), முத்தரையா்பாளையம் அவினாஷ் (20) என்பது தெரியவந்தது.

தொடா்ந்து, போலீஸாா் 7 பேரையும் கைது செய்து, அவா்களிடமிருந்து 5 கத்திகள், இரும்பு கம்பி உள்ளிட்டவற்றை பறிமுதல் செய்தனா். கைதானவா்கள் புதுச்சேரி நீதிமன்றத்தில் ஆஜா்படுத்தப்பட்டு சிறையில் அடைக்கப்பட்டனா்.