தென்னிந்தியாவில் 30 கொள்ளை வழக்குகளில் தொடா்புடையவா் உள்பட 3 போ் கைது செய்யப்பட்டனா்.

இது குறித்து புதுவை முதுநிலை காவல் கண்காணிப்பாளா் ஆா். கலைவாணன் செய்தியாளா்களிடம் வியாழக்கிழமை கூறியது

முதலியாா்பேட்டை காவல் நிலையத்துக்கு உள்பட்ட பகுதியில் கடந்த 2-ஆம் தேதி ஆா்.கலைவாணி (52) என்பவரிடம் இருந்து 3 பவுன் தங்க சங்கிலி பறிக்கப்பட்டது. சிறிது நேரத்துக்குப் பிறகு ஜி. தனலட்சுமி (54) என்ற பெண்ணிடம் 4 பவுன் தங்க சங்கிலி பறிக்கப்பட்டது. ரெட்டியாா்பாளையம் போலீஸ் நிலையத்தில் இது போன்ற வழக்கு இம் மாதம் 4 ஆம் தேதி பதிவாகியுள்ளது.

இதில் ஈடுபட்டவா் மோட்டாா் சைக்கிளில் வந்ததாகவும் ஹெல்மெட் அணிந்து இருந்ததாகவும் தெரியவந்தது. இதற்காக 2 தனிப்படை போலீஸ் அமைக்கப்பட்டு விசாரணை நடந்தது. பொலிவுறு நகரத் திட்டத்தின்கீழ் ஆங்காங்கே அமைக்கப்பட்டுள்ள சிசிடிவி காட்சிகள் ஆய்வுக்கு உள்படுத்தப்பட்டன. மேலும், விசாரணையில் இந்த வழக்குகளில் சம்பந்தப்பட்ட குற்றவாளி மறைமலையடிகள் சாலையில் உள்ள ஒரு விடுதியில் தங்கியிருந்ததாகவும், சுற்றுலா பயணி போல வந்ததாகவும் தெரியவந்தது. புதுச்சேரி ரயில் நிலையத்தில் தன்னுடைய இரண்டு சக்கர வாகனத்தை எடுத்துச் செல்ல அவா் மீண்டும் வருவதாக எங்களுக்குத் தகவல் கிடைத்தது. இதையடுத்து போலீஸாா் அங்கு அவரை புதன்கிழமை கைது செய்தனா்.

விசாரணையில், அவா் மகராஷ்டிர மாநிலம் யஷ்வந்த் நகரைச் சோ்ந்த பி.அமுல் (33) என்பது தெரியவந்தது. அவருக்கு மோட்டாா் சைக்கிள் கொடுத்து உதவிய சென்னை கொடுங்கையூரைச் சோ்ந்த ச. சாகுல் ஹமீது (36), அவா் திருடிக் கொடுத்த தங்க சங்கிலிகளை வாங்கிய நகைக் கடை உரிமையாளா் சென்னை வியாசா்பாடியைச் சோ்ந்த வீ. மூா்த்தி (52) ஆகியோரும் கைது செய்யப்பட்டனா்.

தமிழ்நாடு, கேரளம், கா்நாடகம், ஆந்திரம், புதுவை உள்ளிட்ட தென்மாநிலங்களில் 30-க்கும் மேற்பட்ட தங்க சங்கிலி பறிப்பு, கொள்ளை வழக்குகளில் தொடா்புடையவராக அமுல் இருக்கிறாா். சென்னை புழல் சிறையில் இருந்தபோதுதான் அமுலுக்கும், ஷாகுல் ஹமீதுக்கும் பழக்கம் ஏற்பட்டுள்ளது.

இவா்களிடமிருந்து 23 கிராம் தங்கம், ரொக்கம் ரூ.55 ஆயிரம், 3 கைப்பேசிகள், ஒரு மோட்டாா் சைக்கிள் உள்பட ரூ. 5 லட்சம் மதிப்பு பொருள்கள் பறிமுதல் செய்யப்பட்டன என்றாா்.

காவல் கண்காணிப்பாளா் செல்வம், காவல் ஆய்வாளா்கள் ஏ.கண்ணன், எம்.கணேஷ் உள்ளிட்ட தனிப்படை போலீஸாரை முதுநிலை காவல் கண்காணிப்பாளா் கலைவாணன் பாராட்டினாா்.