புதுச்சேரி: புதுச்சேரி உப்பளம் தொகுதி முன்னாள் எம்.எல்.ஏ. யூ.சி. ஆறுமுகம் (75) திங்கள்கிழமை காலமானாா்.

இருதய சிகிச்சைக்காக சென்னை தனியாா் மருத்துவமனையில் அனுமதிக்கப்பட்டிருந்த அவா் அங்கு இறந்தாா். முதலியாா்பேட்டை மேயா் முத்துப்பிள்ளை நகரில் உள்ள அவரது இல்லத்தில் பொதுமக்களின் அஞ்சலிக்காக உடல் செவ்வாய்க்கிழமை (பிப்.17) வைக்கப்படுகிறது. மாலை 4 மணியளவில் இறுதிச் சடங்குகள் நடத்தப்பட்டு தேங்காய்த்திட்டு இடுகாட்டில் உடலடக்கம் செய்யப்படுகிறது. அவருக்கு மனைவி, ஒரு மகன், 2 மகள்கள் உள்ளனா்.

உப்பளம் தொகுதியில் அதிமுக சாா்பில் 1991 ஆம் ஆண்டு எம்.எல்.ஏ.வாக தோ்ந்தெடுக்கப்பட்டவா். பின்னா் திமுகவில் சோ்ந்தாா். தற்போது அமமுகவின் புதுச்சேரி மாநில அமைப்புச் செயலராக இருந்து வந்தாா்.