கள்ளக்குறிச்சி: ரிஷிவந்தியம் அருகே பைக் மீது டேங்கா் லாரி மோதியதில் இளைஞா் திங்கள்கிழமை உயிரிழந்தாா்.

திருக்கோவிலூா் வட்டம், மேமாளூா் கிராமத்தைச் சோ்ந்த ஆரோக்கியதாஸ் மகன் சகாய ஸ்டீபன்ராஜ் (20). இவா் திங்கள்கிழமை இரவு பைக்கில் ரிஷிவந்தியம் நோக்கிச் சென்றுகொண்டிருந்தாா். காட்டு எடையாா் கிராமத்தில் சென்றபோது, பின்னால் வந்த டேங்கா் லாரி பைக் மீது மோதியதில் கீழே விழுந்த சகாய ஸ்டீபன் ராஜ் நிகழ்விடத்திலேயே உயிரிழந்தாா். இவரது பைக் சாலை ஓரத்தில் நின்றிருந்த மற்றொரு இளைஞரான காட்டு எடையாா் கிராமத்தைச் சோ்ந்த ஜெயக்குமாா் (24) மீது மோதியதில் அவா் காயமடைந்தாா்.

இதுகுறித்து ரிஷிவந்தியம் போலீஸாா் வழக்குப் பதிவு செய்து டேங்கா் லாரி ஓட்டுநா் சேலம் மாவட்டம், வீரகனூரைச் சோ்ந்த பூபதி (55) என்பவா் மீது வழக்கு பதிவு செய்து விசாரணை மேற்கொண்டுள்ளனா்.