மயிலம் தொகுதிக்கு உள்பட்ட பெரப்பேரி ஊராட்சியில் பொதுமக்கள் பயன்பாட்டுக்கு சிறு மின்விசை குடிநீர்த் தொட்டி இயக்கி வைக்கப்பட்டது.
சட்டப்பேரவைத் தொகுதி மேம்பாட்டுத் திட்ட நீதி மூலம் பெரப்பேரி ஊராட்சியில் பொது மக்களுக்கு சிறு மின்விசைக் குடிநீர்த் தொட்டி ரூ. ஒரு லட்சத்து 40 ஆயிரம் செலவில் அமைக்கப்பட்டது. 
இதன் தொடக்க விழா அண்மையில் நடைபெற்றது. தொகுதி எம்.எல்.ஏ இரா.மாசிலாமணி தலைமை வகித்து, பொதுமக்களின் பயன்பாட்டுக்காக குடிநீர்த் தொட்டியை இயக்கி வைத்தார்.
நிகழ்ச்சியில் திமுக ஒலக்கூர் ஒன்றியச் செயலர் ராஜாராம், ஊராட்சிச் செயலர் சாமுவேல், நிர்வாகிகள் திருஞானசம்பந்தம், நீலகண்டன், வீரப்பன் உள்ளிட்ட பலர் கலந்து கொண்டனர்.