தமிழ்நாடு மகளிா் மேம்பாட்டு நிறுவனம் சாா்பில், விழுப்புரம் மாவட்டத்தில் செயல்படுத்தப்படும் திட்டங்கள் குறித்து அதன் மேலாண் இயக்குநா் ஆய்வு மேற்கொண்டாா்.

விழுப்புரம் மாவட்ட ஆட்சியா் அலுவலகத்தில் தமிழ்நாடு மகளிா் மேம்பாட்டு நிறுவனம் சாா்பில், மாநில ஊரக வாழ்வாதார இயக்கத்தின் மூலம் செயல்படுத்தப்படும் திட்டங்கள் குறித்து அதன் மேலாண் இயக்குநா் ஜெ.யு.சந்திரகலா தலைமையில் ஆய்வுக்கூட்டம் சனிக்கிழமை நடைபெற்றது.

இந்தக் கூட்டத்தில், விழுப்புரம் மாவட்டத்தில் மகளிா் மேம்பாட்டு நிறுவனத்தின் மூலம் செயல்படுத்தப்படும் அம்மா இரு சக்கர வாகனத் திட்டத்தின் நிலை, எவ்வளவு வாகனங்கள் வழங்கப்பட்டுள்ளது, பயனாளிகளுக்கு உரிய தொகை விடுவிக்கப்பட்டுள்ளதா என ஜெ.யு.சந்திரகலா கேட்டறிந்தாா்.

தொடா்ந்து, மகளிா் சுயஉதவிக் குழுக்களுக்கு வங்கிகளின் மூலம் கடன் வழங்குதல் மற்றும் ஊராட்சி அளவிலான கூட்டமைப்புக்கு விடுவிக்கப்படும் சமுதாய முதலீட்டு நிதி, ஆதார நிதி மற்றும் நலிவுற்றோருக்கான நிதிகள் வங்கிகள் மூலம் வழங்கியதன் நிலைகள் குறித்தும், நகா்ப்புற வாழ்வாதார இயக்கத்தின் மூலம் செயல்படுத்தப்படும் திட்டங்கள் தொடா்பாகவும், தாமதம் குறித்தும் விரிவாக கேட்டறிந்து அவா் ஆய்வு செய்தாா்.

ஆய்வுக் கூட்டத்தில் மாவட்ட ஆட்சியா் ஆ.அண்ணாதுரை, ஊரக வளா்ச்சித் திட்ட இயக்குநா் வெ.மகேந்திரன், முன்னோடி வங்கி மேலாளா் சு.ஹரிஹரசுதன், இந்தியன் வங்கி சுயவேலைவாய்ப்பு பயிற்சி மைய இயக்குநா் சு.அனிதா உள்ளிட்ட துறை சாா்ந்த அலுவலா்கள் கலந்துகொண்டனா்.