விழுப்புரம் மாவட்டத்தில் தொடா் வழிப்பறியில் ஈடுபட்டு வந்த நபரை போலீஸாா் குண்டா் தடுப்புச் சட்டத்தின் கீழ் வியாழக்கிழமை கைது செய்தனா்.

விழுப்புரம் மாவட்டம், மயிலம் சுற்றுவட்டாரப் பகுதிகளில் வழிப்பறி சம்பவங்கள் அதிகரித்து வந்தன. இது தொடா்பாக மயிலம் போலீஸாா் வழக்குப் பதிவு செய்து விசாரணை நடத்தினா். இந்த வழிப்பறி சம்பவங்கள் தொடா்பாக திருநெல்வேலி மாவட்டம், அம்பாசமுத்திரம் அருகே கல்லிடைக்குறிச்சி பகுதியைச் சோ்ந்த ராஜா மகன் மகேந்திரனை (39) மயிலம் போலீஸாா் கைது செய்து சிறையில் அடைத்தனா்.

இவா் தொடா்ந்து வழிப்பறி உள்ளிட்ட சட்டவிரோத செயல்களில் ஈடுபடுவதைத் தடுக்க, குண்டா் தடுப்புச் சட்டத்தின் கீழ் கைது செய்ய விழுப்புரம் மாவட்டக் காவல் கண்காணிப்பாளா் ஸ்ரீநாதா, மாவட்ட ஆட்சியருக்கு பரிந்துரைத்தாா். இதைத் தொடா்ந்து, விழுப்புரம் மாவட்ட ஆட்சியா் த.மோகன் உத்தரவின்பேரில், கடலூா் மத்திய சிறையில் விசாரணைக் கைதியாக அடைக்கப்பட்டிருந்த மகேந்திரனை குண்டா் தடுப்புச் சட்டத்தின் கீழ் போலீஸாா் வியாழக்கிழமை கைது செய்து மீண்டும் சிறையில் அடைத்தனா்.