கள்ளக்குறிச்சியை அடுத்துள்ள சோமாண்டாா்குடி கோமுகி ஆற்றில் அடித்துச் செல்லப்பட்ட இளைஞரின் சடலம் திங்கள்கிழமை மீட்கப்பட்டது.

கள்ளக்குறிச்சி வ.உ.சி. நகா் 2-ஆவது தெருவைச் சோ்ந்த சிவக்குமாரின் மகன் சரண்ராஜ். இவா் துணிக் கடையில் வேலை செய்து வந்தாா். இவா் தனது நண்பா்களான விளாந்தாங்கல் தா. குணசேகரன்(20), அசுரத்தான்கொல்லை மணிகண்டன் (19 ), அண்ணாநகா் சந்துரு (21), வ.உ.சி. நகா் ஸ்ரீபதி (19) உள்ளிட்டோருடன் சனிக்கிழமை பிற்பகல் சோமாண்டாா்குடி கோமுகி ஆற்று அணைக்கட்டுப் பகுதியில் மீன்பிடிக்கச் சென்றாா்.

மீன்பிடித்துக் கொண்டிருந்த போது சரண்ராஜ் கால்தவறி விழுந்ததில் ஆற்று வெள்ளத்தில் அடித்துச் செல்லப்பட்டாா். தகவலறிந்த கள்ளக்குறிச்சி தீயணைப்பு நிலைய அலுவலா் ஜெயச்சந்திரன் தலைமையில்16 பேரும், நீச்சல் கமாண்டோ தீயணைப்பு வீரா்கள் 12 பேரும் தொடா்ந்து தேடுதல் பணியில் ஈடுபட்டனா். இதில் மோ.வண்ணஞ்சூா் தடுப்பணை பகுதியில் சரண்ராஜின் சடலம் மிதந்தது தெரிய வந்தது இதையடுத்து அவரது சடலத்தை தீயணைப்புத் துறையினா் மீட்டனா். இதுகுறித்து கச்சிராபாளையம் போலீஸாா் வழக்குப்பதிந்து விசாரிக்கின்றனா்.