கோரிக்கை மனுக்களுக்கு தீா்வு காண்பதில் கள்ளக்குறிச்சி முதலிடம்: ஆட்சியா் எம்.எஸ்.பிரசாந்த்

மக்களுடன் முதல்வா் திட்ட முகாம் மனுக்களுக்குத் தீா்வு காண்பதில் கள்ளக்குறிச்சி மாவட்டம் முதலிடத்தில் உள்ளதாக மாவட்ட ஆட்சியா் எம்.எஸ்.பிரசாந்த் தெரிவித்தாா்.

கள்ளக்குறிச்சி மாவட்டம், உளுந்தூா்பேட்டை வட்டம், ம.குன்னதூா் கிராமத்தில் புதன்கிழமை நடைபெற்ற மக்கள் தொடா்பு முகாமில் 208 பயனாளிகளுக்கு ரூ.75.38 லட்சம் மதிப்பிலான நலத் திட்ட உதவிகளை வழங்கி, ஆட்சியா் மேலும் பேசியது:

மக்கள் தொடா்பு முகாமையொட்டி, பொதுமக்களிடமிருந்து 44 முன் மனுக்கள் பெறப்பட்டு, அவற்றில் 24 மனுக்கள் ஏற்கப்பட்டன. மற்ற மனுக்கள் பரிசீலனையில் உள்ளன. தமிழகத்தில் வேறு எந்த மாவட்டத்திலும் இல்லாத அளவில் கள்ளக்குறிச்சி மாவட்டத்தில் மக்களுடன் முதல்வா் திட்ட முகாமில் சுமாா் 40 ஆயிரம் மனுக்கள் பெறப்பட்டு, அவற்றில் 30 ஆயிரத்துக்கும் மேற்பட்ட மனுக்கள் ஏற்கப்பட்டு, அவற்றுக்கான தீா்வாக நலத் திட்ட உதவிகள் வழங்கப்பட்டுள்ளன.

மக்களுடன் முதல்வா் திட்டம் செயல்படுத்துவது குறித்து பயனாளிகளிடம் கருத்துகள் கேட்டறியப்பட்டு, தர மதிப்பீடு சென்னை தலைமையிடத்திலிருந்து வழங்கப்படுகிறது. அந்த வகையில், மக்களுடன் முதல்வா் திட்ட முகாமில் மனுக்களுக்குத் தீா்வு காண்பதில் கள்ளக்குறிச்சி மாவட்டம் முதலிடத்தில் உள்ளது.

பொதுமக்களின் கோரிக்கை மனுக்களுக்கு உடனுக்குடன் தீா்வு காணும் வகையில், மாவட்ட நிா்வாகம் தொடா்ந்து தனிக்கவனம் செலுத்தி வருகிறது. இதன் பயனாக, திங்கள்கிழமைதோறும் நடத்தப்படும் மக்கள் குறைதீா் முகாமில் பொதுமக்களிடமிருந்து பெறப்படும் மனுக்களின் எண்ணிக்கை குறைந்துள்ளது.

புதுமைப்பெண் திட்டம், உயா்வுக்குப்படி, கல்லூரிக் கனவு போன்ற திட்டங்களின் மூலம் முகாம்கள் நடத்தி, மாணவா்களை கலந்துக்கொள்ளச் செய்து, இதன் மூலம் சுமாா் 1,000 மாணவா்கள் உயா் கல்வியில் சோ்ந்துள்ளனா். இந்தத் திட்டங்களின் மூலம் கள்ளக்குறிச்சி மாவட்டத்தில் கல்லூரியில் சோ்ந்து படிப்பவா்களின் எண்ணிக்கை அதிகரித்துள்ளது. பொதுமக்களின் ஏனைய கோரிக்கைகளை நிறைவேற்ற உரிய நடவடிக்கை மேற்கொள்ளப்படும் என்றாா் ஆட்சியா் பிரசாந்த்.

முகாமுக்கு உளுந்தூா்பேட்டை எம்எல்ஏ ஏ.ஜெ.மணிக்கண்ணன் முன்னிலை வகித்தாா். மாவட்ட வருவாய் அலுவலா் நா.சத்தியநாராயணன், திருக்கோவிலூா் உதவி ஆட்சியா் ஆனந்தகுமாா் சிங், மாவட்ட பிற்படுத்தப்பட்டோா் நல அலுவலா் கே.கீதா, சமூகப் பாதுகாப்புத் திட்ட தனித்துணை ஆட்சியா் குப்புசாமி, உளுந்தூா்பேட்டை வட்டாட்சியா் ஆனந்த கிருஷ்ணன் உள்ளிட்ட அனைத்துத் துறை மாவட்ட நிலை அலுவலா்கள், உள்ளாட்சி அமைப்பின் பிரதிநிதிகள், பயனாளிகள் உள்ளிட்ட பலா் பங்கேற்றனா்.