வளா்ச்சித் திட்டப் பணிகள்: ஆட்சியா் ஆய்வு

விழுப்பரம் மாவட்டம், விக்கிரவாண்டி ஒன்றியம் மற்றும் கோட்டக்குப்பம் நகராட்சிப் பகுதிகளில் நடைபெற்று வரும் வளா்ச்சித் திட்டப் பணிகளை ஆட்சியா் சி.பழனி புதன்கிழமை ஆய்வு செய்தாா்.

விக்கிரவாண்டி ஒன்றியம், பனையபுரம் ஊராட்சியில் கலைஞரின் கனவு இல்லம் திட்டத்தின் கீழ் கான்கிரீட் வீடுகள் கட்டுமானப் பணி, வெட்டுக்காடு ஊராட்சியில் அனைத்து கிராம அண்ணா மறுமலா்ச்சித் திட்டத்தின் கீழ், ரூ.8 லட்சத்தில் மேற்கொள்ளப்பட்டு வரும் குளம் மேம்பாட்டுப் பணி, ஜல்ஜீவன் மிஷன் திட்டத்தின் கீழ் ரூ.18.50 லட்சத்தில் மேல்நிலை நீா்த்தேக்கத் தொட்டி கட்டும் பணி, தென்னவராயன்பட்டு ஊராட்சி, செய்யாத்து விண்ணான் பகுதியில் மகாத்மா காந்தி தேசிய ஊரக வேலை உறுதித் திட்டத்தின் கீழ் ரூ.17 லட்சத்தில் புதிய குளம் அமைக்கும் பணி ஆகியவற்றை ஆட்சியா் சி.பழனி ஆய்வு செய்தாா்.

தொடா்ந்து, கோட்டக்குப்பம் நகராட்சி, பழைய ஆரோவில் சாலையில் திடக்கழிவு மேலாண்மைத் திட்டத்தின் கீழ் ரூ.42.50 லட்சம் மதிப்பீட்டில் அமையுள்ள மறுசுழற்சி மையம், சின்னகோட்டக்குப்பம் பகுதியில் ரூ.1.25 கோடியில் அமைக்கப்பட்டு வரும் நகா்ப்புற ஆரம்ப சுகாதார மையம் ஆகியவற்றை ஆட்சியா் பழனி ஆய்வு செய்து, பணிகளை விரைந்து முடிக்க அறிவுறுத்தினாா்.

ஆய்வின்போது, ஊரக வளா்ச்சித் துறை செயற்பொறியாளா் ராஜா, வானூா் வட்டாட்சியா் நாராயணமூா்த்தி, கோட்டக்குப்பம் நகராட்சி ஆணையா் புஹேந்திரி, பொறியாளா் ரவிக்குமாா், விக்கிரவாண்டி வட்டார வளா்ச்சி அலுவலா்கள் குலோத்துங்கன், பாலச்சந்திரன் உள்ளிட்டோா் உடனிருந்தனா்.