அமைச்சர் விஜயபாஸ்கருக்கு ஆதரவாக அவரது 8 வயது மகள் பிரசாரம்

விராலிமலை: விராமலிமலை பேரவைத் தொகுதியில் போட்டியிடும் அமைச்சர் விஜயபாஸ்கரை ஆதரித்து அவரது எட்டு வயது மகள் தீவிர பிரசாரம் செய்து வருகிறார்.

விராலிமலை சட்டப் பேரவைத் தொகுதியில் மக்கள் நல்வாழ்வுத் துறை அமைச்சர் சி.விஜயபாஸ்கர் அதிமுக வேட்பாளராக மீண்டும் போட்டியிடுகிறார்.

அவரை ஆதரித்து அவரது எட்டு வயது மகள் பிரியதர்ஷினி விராலிமலை தொகுதி முழுவதும் பிரசாரம் செய்து வருகிறார்.

அதிமுக வின் சாதனைகளை விளக்கிக் கூறும் பிரியதர்ஷினி, கடந்த 5 ஆண்டுகளில் சட்டப் பேரவை உறுப்பினராக தனது தந்தை விராலிமலை தொகுதியில் நிறைவேற்றிய திட்டங்களை எல்லாம் வரிசையாக கூறி வாக்காளர்களை கவர்ந்து வருகிறார்.

ஐந்தாம் வகுப்பு பயிலும் பிரியதர்ஷினி தனது மழலை மொழியில் தந்தைக்கு வாக்கு கேட்டு பேசுவதை அப்பகுதி வாக்காளர்கள் ஆர்வமுடன் ரசிக்கின்றனர்.