உங்கள் மகனுக்கு கன்னி லக்னம். லக்னத்தில் கேதுபகவான் இருப்பது சர்ப்பதோஷம். அவருக்கு களத்திர ஸ்தானாதிபதியான குருபகவான் அஷ்டம ஸ்தானத்தில் மறைந்து கேந்திராதிபத்ய தோஷம் நீங்கப் பெற்று அயன ஸ்தானம், குடும்ப ஸ்தானம், சுக ஸ்தானங்களைப் பார்வை செய்கிறார், தற்சமயம் நீச்சபங்க ராஜயோகம் பெற்ற அஷ்டமாதியின் தசையில் குருபகவானின் புக்தி நடப்பதால் இந்த ஆண்டு செப்டம்பர் மாதத்திற்குள் சமதோஷமுள்ள பெண் அமைந்து திருமணம் கைகூடும். தனியார் துறையில் நல்ல வளர்ச்சி காண்பர். சொந்தத்தொழிலும் தனித்து செய்யலாம். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.