உங்கள் மகனுக்கு துலா லக்னம், கன்னி லக்னம் அல்ல. பிறப்பில் புத மஹா தசையில் இருப்பு 1 வருடம், 3 மாதங்கள், 1 நாள் என்று வருகிறது.  லக்னாதிபதி உச்சம் பெற்று பாக்கியாதிபதிக்கு நீச்சபங்க ராஜயோகம் கொடுக்கிறார். அவர்களுடன் ஆறாம் வீட்டுக்கிபதியான குருபகவான் ஆட்சி பெற்று அமர்ந்திருக்கிறார். அவருக்கு சுக பூர்வபுண்ணிய ஸ்தானாதிபதியான சனிபகவானும் நீச்சபங்க ராஜயோகம் பெற்றிருக்கிறார். அதனால் அவருக்கு மெக்கானிக்கல், ஆட்டோமொபைல் துறை ஏற்றது. இந்த ஆண்டு மறுபடியும் படிக்க வைக்கலாம். மேலும் தற்சமயம் உச்சம் பெற்ற லக்னாதிபதியின் தசையில் பிற்பகுதியில் நடப்பதால் படிப்பை நல்லமுறையில் முடித்து விடுவார். தனியார் துறையில் சிறப்பான வளர்ச்சியைக் காண்பார். பூர்வீகத்தில் சொந்த வீடு கட்டுவார். தன் சம்பாத்தியத்திலும் மனை வாங்குவார். இருபத்தைந்தாம் வயதில் திருமணம் கைகூடும். எதிர்காலம் சிறப்பாக அமையும். பிரதி செவ்வாய்க்கிழமைகளில் துர்க்கையை வழிபட்டு வரவும்.