உங்களுக்கு தனுசு லக்னம், மேஷ ராசி. லக்னாதிபதி, பூர்வபுண்ணிய ஸ்தானத்தில் சந்திரபகவானுடன் இணைந்து குருசந்திர யோகத்தைக் கொடுக்கிறார். தர்மகர்மாதிபதிகள் அஷ்டம ஸ்தானத்தில் மறைவு பெற்றிருந்தாலும் சுபபலன்களைத் தருவார்கள். பூர்வபுண்ணியாதிபதி பாக்கிய ஸ்தானத்தில் அமர்ந்திருக்கிறார். தற்சமயம் சந்திரபகவானின் தசை நடக்கத் தொடங்கியுள்ளதால் இந்த ஆண்டு மார்ச் மாதத்திற்குப்பிறகு நிரந்தரமான மகிழ்ச்சி தரும் உத்தியோகம் கிடைக்கும். அரசு அல்லது அரசு சம்பந்தமான வேலை கிடைக்கும். சர ராசிகள் வலுவாக இருப்பதால் டிரைவர் வேலை கிடைக்கும். பிரதி திங்கள் கிழமைகளில் அம்மனை வழிபட்டு வரவும்.