உங்களுக்கு மிதுன லக்னம், மேஷ ராசி. லக்னம் மற்றும் சுக ஸ்தானத்திற்கு அதிபதியான புதபகவான் லாப ஸ்தானத்தில் சந்திர, சூரிய, ராகு பகவான்களுடன் இணைந்திருக்கிறார். லாப ஸ்தானத்தில் நான்கு கிரகங்கள் இருப்பதும் தொழில் ஸ்தானத்தில் சனிபகவான் அமர்ந்து குருபகவானால் பார்க்கப்படுவதும் சிறப்பு. தற்சமயம் பலம் பெற்றுள்ள ராகுபகவானின் தசை நடப்பதால் விவசாயத்தில் முழுமையாக ஈடுபடலாம். விவசாயம் சம்பந்தப்பட்ட உப தொழில்களையும் செய்யலாம். மற்றபடி எதிர்காலம் வளமாக அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.