உங்கள் கணவருக்கு கடக லக்னம், மிதுன ராசி, திருவாதிரை நட்சத்திரம். பூர்வபுண்ணியாதிபதி லக்னத்தில் நீச்சபங்க ராஜயோகம் பெற்று குடும்பாதிபதியுடன் இணைந்து பூர்வபுண்ணிய ஸ்தானத்திலுள்ள குருபகவானால் பார்க்கப்படுகிறார்கள். களத்திர நட்பு ஸ்தானாதிபதியும் சுக ஸ்தானத்தில் உச்சம் பெற்றிருக்கிறார். தற்சமயம் சனிபகவானின் தசையில் குடும்ப ஸ்தானத்தில் அமர்ந்திருக்கும் சுக்கிரபகவானின் புக்தி நடக்கிறது. அடுத்த ஆண்டு மே மாதத்திற்குள் வெளிநாடு சென்று உத்தியோகம் பார்க்கும் யோகமும் உண்டாகும். பிரதி சனிக்கிழமைகளில் சனிபகவானை வழிபட்டு வரவும். எதிர்காலம் சிறப்பாக அமையும். இன்னும் மூன்றாண்டுகளுக்குள் சொந்த வீடு அமையும்.