உங்களுக்கு மிதுன லக்னம், சிம்ம ராசி, பூரம் நட்சத்திரம். லக்னாதிபதி மற்றும் சுகாதிபதியான புதபகவான், பூர்வபுண்ணியம் மற்றும் அயன ஸ்தானத்திற்கும் அதிபதியான சுக்கிரபகவான் ஆகிய இருவரும் லாப ஸ்தானத்தில் இணைந்து மகாலட்சுமி மகாவிஷ்ணு யோகத்தைப் பெற்று பூர்வபுண்ணிய ஸ்தானத்தைப் பார்வை செய்கிறார்கள். அஷ்டம ஸ்தானமான எட்டாம் வீட்டிற்கும் பாக்கிய ஸ்தானமான ஒன்பதாம் வீட்டிற்கும் அதிபதியான சனிபகவான் களத்திர, நட்பு ஸ்தானத்தில் திக் பலம் பெற்று, லக்னத்தில் அமர்ந்திருக்கும் களத்திர நட்பு தொழில் ஸ்தானாதிபதியான குருபகவானால் பார்க்கப்படுகிறார். தற்சமயம் ராகுபகவானின் தசையில் குருபகவானின் புக்தி இந்த ஆண்டு மார்ச் மாதம் வரை நடக்கிறது. மற்றபடி உங்கள் தந்தை இறந்த காலகட்டம் உங்கள் ஜாதகத்திலும் குறிப்பிட்டுக் கூற வேண்டிய காலகட்டமாக உள்ளது என்று கூற வேண்டும். இந்த ஆண்டு இறுதிக்குள் உங்களுக்கு திருமணம் கைகூடும். புத்திர பாக்கியத்திற்குக் குறைவு உண்டாகாது. பிரதி செவ்வாய்க்கிழமைகளில் துர்க்கையை வழிபட்டு வரவும். எதிர்காலம் சிறப்பாக அமையும்.