ரோகிணி, திருவாதிரை, மகம், அஸ்தம், உத்திரட்டாதி, விசாகம், திருவோணம், ரேவதி ஆகிய நட்சத்திரங்கள் உத்தம பலன்! தசா சந்தி தோஷம் உண்டாகாது.
அசுவினி, கிருத்திகை, மிருகசீரிஷம், புனர்பூசம், பூசம், பூரம், உத்திரம், சித்திரை, அனுஷம், பூராடம், உத்திராடம் மத்திம பலன்!
பரணி, ஆயில்யம், சுவாதி, கேட்டை, மூலம், அவிட்டம், சதயம், பூரட்டாதி தவிர்க்க வேண்டியது!
அதேநேரம் ஜாதகப் பொருத்தம் உன்னதமாக அமையும் பட்சத்தில் இந்த ஜாதகங்களை இணைக்கலாம்! பொருத்தமுள்ள பெண் நட்சத்திரத்திற்கு முந்திய பாதம் ஆணுக்கும், பிந்திய பாதம் பெண்ணுக்கும் இருந்தால் செய்யலாம்!
உதாரணமாக, மகம் ஒன்றாம் பாதம் ஆணுக்கும், மகம் இரண்டு, மூன்று, நான்காம் பாதங்கள் பெண்ணுக்கும் இருந்தால் உத்தமம்!
பெண் நட்சத்திரம் ஆண் நட்சத்திரத்திலிருந்து 27-ஆம் நட்சத்திரமாக அமைந்தால், இரு நட்சத்திரங்களும் ஒரே ராசியில் அமைந்தால் திருமணப் பொருத்தம் உண்டு! வேறு வேறு ராசியில் அமைந்தால், பொருத்தம் உண்டாகாது!