வேகமாக விற்பனையாகும் நுகர்வோர் பொருள்கள் துறையைச் சேர்ந்த பிரிட்டானியா இண்டஸ்ட்ரீஸ் நிறுவனத்தின் வருவாய் இரண்டாவது காலாண்டில் ரூ.2,596.11 கோடியாக இருந்தது. கடந்த நிதி ஆண்டின் இதே கால அளவில் ஈட்டிய வருவாய் ரூ.2,497.27 கோடியுடன் ஒப்பிடுகையில் இது 3.95 சதவீதம் அதிகமாகும்.
செலவினமும் ரூ.2,147.67 கோடியிலிருந்து 2.56 சதவீதம் உயர்ந்து ரூ.2,202.68 கோடியானது.
நிகர லாபம் ரூ.234.05 கோடியிலிருந்து 11.52 சதவீதம் உயர்ந்து ரூ.261.03 கோடியாக இருந்தது என பிரிட்டானியா இண்டஸ்ட்ரீஸ் நிறுவனம், மும்பை பங்குச் சந்தைக்கு அளித்த அறிக்கையில் தெரிவித்துள்ளது.